大肚婆真係唔好飲凍野

昨晚同老公食聖誕大餐啦,叫左杯凍奶荼,已經叫佢少冰。食完去商場行下啦,點知突然心口拿住痛,行都行唔到,雖然痛左一陣就冇事,但大肚婆真係唔好飲凍野呀!尤其是就黎生嗰D

siusiu99999意見:
唔關多冰定少冰事,係出面d 冰好 dirty

sleepingcat意見:
我之前6個半月食咗雪糕再吹下風之後個肚仲實咗成晚咁呀.. 好似假宮縮咁… 但平時如果個身同個胃夠熱就無事囉…

男人ATV意見:
我成日都飲喎…有時一日飲幾杯添!

BIG623意見:
我果時成日都飲…飲到生都無事..AR B 好健康

sleepingcat意見:
可能個個人體質唔同, 我平時M飲凍飲都會肚痛架!

manta111意見:
我諗住想有bb時已紅戒左一切凍飲喇, 初初都唔慣, 但日子耐左就ok 冇問題!!

湘嬡InG意見:EEN31意見:
我都係飲到生,都無咩問題,大肚本身已怕熱,我陀果陣又係夏天,真係戒唔到口!

hurtfd1230意見:
其實人人體質唔同,好似有d人陀b會嘔,有d唔會

Jo3意見:
我原本都少飲凍野ga, 有咗更加唔飲啦; 但到咗後期, 都係夏天, 就勁想飲凍飲, 有時連早餐都要凍飲.

cherry0210意見:
我果時都係,日日飲,日日食雪糕,琳琳豬都冇咩野喎,係未你飲果時,凍親條氣管呀,如果係,就真係唔好再飲啦,因為每個媽媽都唔同體質…

littlemoregreen意見:
我由6月中下開始陀阿be, 頭幾個月一個星期飲一杯, 一知道過左頭3個月就開始放縱喇 (果時又正正好熱既天氣…同埋自己細細開始一飲完熱野個身就會好熱好熱, 久久都不能散), 阿be到宜家都無事, 反而哩幾日天氣凍我飲熱飲, 我一飲完佢就係咁起飛腳踼我個胃…唔知係咪熱得滯呢…但我聽d 老人家講大肚時飲凍野, bb出世時會好怕凍架~

babypw意見:
第一胎就小心為上好啲~不過我第二胎咩都冇戒口~剛剛晚餐先食完刺身~ 但係有咖啡因嘅都盡量唔好啦~因為醫生話會影響小B腦部健康發展~

mabel1013意見:
我陀BB時,個個星期都吃魚生(含DHA & AA & OMEGA3),,日日都飲凍野,食雪糕都冇事…仲生左個白雪雪,滑LULU既BB…樓主係味指係中醫角度呀?

mamei35意見:
我諗唔可以吃魚生係怕有店舖處理不當,會引致吃魚生的人肚痛肚疴,但大肚婆又唔想吃藥,惟有可戒則戒,減少受感染的機會。不過,我都減少飲凍野,因為有次飲了凍飲,唔夠半小時就肚痛,雖然最後無事,但都怕怕啦~

water6water意見:
唔好話大肚,就算平日,最好都唔好飲凍飲(特別係女性)!依家後生唔多覺(其實都會有啲徵狀出現),到有返少少年紀,你哋就知味道!好多婦科病或者其他疾病,都係後生嗰陣唔識保養得嚟嘅!
平日見到男男女女飲親都係凍飲,你哋咪以為好好玩!

`小海意見:
個人問題GA姐..外國好多人出世戈陣D奶都係飲凍GE-口-不過大左肚最好就吾好飲咁多…雖然我表姐都係照飲~都4個月啦~

susuki_sk意見:
唔關凍飲事, 我生2個都無戒口, 你應該CHECK BODY

bobopigpigpig意見:
我成日飲, 冇問題喎,唔好危言聳聽啦

cm_cy意見:
我都介唔到口, 大肚個陣係咁飲涷野, 我個b 0岩0岩9/12出左世, 到而家個鼻好差,成日打黑痴,唔知關唔關我之前成日飲涷野….

我係Joyce妹意見:
我覺得bb既健康唔一定完全係媽咪問題…唔係個個人都有咁多錢食好野比bb吸收, 咪一樣生到個健健康康既bb,我覺得均衡d, 唔好偏食d咩就ok啦, 有人勁食西瓜都冇問題, 有人咩都介都會冇0左個bb,只要食得清潔,唔好食d細菌入肚就ok啦,大肚既時候, 好多時都唔想食野…我開始既時候我老公都係咩都唔比我食, 呢樣介口, 果樣介口, 搞到我冇野食到, 佢見我咩都食唔到既時候, 就開始放一d唔係高危既食物比我食, 例如飲幾啖汽水 (幾啖only), 食下d冇營養既食物 (雞蛋仔, 格餅), 當然我食完飲完就要食番d有營養但我唔鍾意既野(如奶…), 不過可能因為可以食番d我鍾意既食物 (少少), 個人開心d, 反而有番d胃口食野…所以我覺得唔好迫得自己太緊要, 因為我地係要enjoy懷孕過程, 唔係落地獄 (我真係有咁同我老公講, 點解一有bb我就好似冇晒人生樂趣)

o安琪拉o意見:
我生左2個小朋友,懷BB真係唔好飲凍野,因飲得多會令BB氣管收責,呼吸冇咁好,容易有哮喘,最好坐月後才飲啦.

9669意見:
我戒咗凍飲好耐啦! 出面D冰好污糟架!

wtl222意見:
其實咩都好啦..個個心閎體質都唔同, 不過好多時老人家講既野都唔會冇佢地既道理既…而家冇事唔代表永遠都冇事既….個個都想有健康既身體…所以打好個底係最重要既…等於後生時幾多度都可以得好少, 過多幾年就唔會咯….

Facebook Comments
廣告