同德意見:
佢想抱…我就抱.
時間過得好快, bb大得好快..
我個b現在七個幾月大, 已不想我抱佢啦..
宜家每次見到我, 雖然都會申手…笑騎騎,
但主要係要我幫佢企, 扶佢行.
如果我只係抱, 佢會用手推我心口
乖乖給你抱的時間, 要珍惜一下

jensenng意見:
學行的bb當然唔鍾意人抱, 到佢3、4歲你地就知味道! 不過咁, 有幾多小朋友到小學仲要抱抱? 計落唔係有好多時間可以咁親密的抱住佢地, 尤其是我地做爸爸的! 所以我對20幾kg的仔仔是有求必應的! 個人覺得車仔就免了, 咁大個仲用車仔出街就真係有d縱佢地啦!

alan_et意見:
我都係咁話,阿仔一出世已經係佢一叫我就抱,有時都抱得好累,不過宜家10個多月,當佢精神果陣,真係咪洗旨意可以抱得佢耐,一抱起佢就頂手頂腳咁頂走我要落地玩,家下最多係伸隻手黎捉住我個身OR隻手要我扶住佢行,如果搵到佢想玩既野,阿媽都唔想要添呀,最好就係企係佢見到既位置望住佢就OK..
所以宜家佢訓覺要我抱抱果陣,我都幾珍惜架..(我個仔係要玩到累先肯訓果隻,一抱基本上唔洗10分鐘已經訓著可以放低),因為家下真係唔多時候佢肯乖乖地同我對望而唔郁架喇~

tigerbaby222意見:
我自己就覺得如果你有時間的就抱囉
周身唔得閒的時間咪唔抱住囉
唔通連洗碗都要攬到實咩
我個仔一歲
佢見我做家務的時間佢就自己玩
我做好我的野我會自己走過去聊下佢
如果佢自得其樂我就閃人
如果佢想攬陣我就會抱佢
所以佢一俾我抱上手果下佢會有一下好肉緊
之後就會笑
有時適當的抱對你同對佢的心理都好
呢D係親子關係

Facebook Comments Box