你哋BB有無試過無啦啦發燒, 然後第二日好返晒呀?
淨係發燒, 無鼻水, 無咳, 我阿B19個月大

seki意見:
有呀，我囡囡15個月嗰時都係突然發燒，燒到成40度，一樣無咳無鼻水，即時入急症室，做晒所有檢查都無事，連醫生都搵唔到原因咩事發燒！

老鼠bb意見:
我bb 22個月大，從13個月開始間唔中都發下燒，每次都係39度左右，但第2日就會無晒事，之後都無任何病徵，佢到依家都未試過傷風感冒流鼻水之類，我諗係佢自己打抵晒d病菌

大勝哥意見:
bb 發燒, 好可能係奶粉原因, 中醫講係熱底…..
你可以睇睇佢哋啲大便, 係咪好乾, 好硬? 如果係就一定要多飲水, 或者每星期, 飲開奶茶…
依個係防範無故發燒方式… 但發燒就一定要睇醫生…

123sillyboy123意見:
很多時﹐傷風感冒都可以先發燒﹐退燒後仍未出病徵﹐直到第三日才開始出鼻水眼水的。
如果你阿B完全退燒的話﹐你多點觀察BB吧﹐睇多兩日先。

Jo3發問:
奀b媽, 你講中哂我B女呢幾日的情況呀! 佢有晚發燒, 當晚帶佢睇咗急症, 醫生話佢感冒, 但當時都未有感冒徵狀, 我就淨係俾退燒藥水佢食, 第二日就退咗燒, 我以為無事好返啦; 點知跟著過兩日, 感冒徵狀就出哂來啦, 打乞嚏/流鼻水/咳… 今日又帶佢睇兒科醫生. 想問妳係護理方面, 我可以做d咩幫助佢快d好呢?

123sillyboy123意見:
感冒傷風係病毒感染﹐病毒唔同細菌﹐細菌有生命﹐可以用藥(如抗生素)殺死。 但病毒無生命﹐所有人都要靠身體抵抗力打敗的。 抗生素係對病素無效的。所以無咩可以令孩子快D好﹐他必需靠自己抵抗力克服病毒。 其實唔止BB﹐所有人都係一樣咁樣由傷風感冒中康復﹐只好大部份人以為自己好返係因為食藥。

對傷風感冒黎講﹐無論醫生﹐一或家長﹐可以做嘅只係令患者舒服一點。 醫生會俾傷風感冒藥暫時隱藏病徵。 家長可以做既係幫孩子用鹽水噴下個鼻﹐清左D鼻涕就會少d痰﹐少D痰就會咳少D。 過得3﹐5﹐7日孩子抵抗力會令受病毒影響嘅細胞復原﹐依個時候病徵就會漸漸減退了。

傷風感冒既話﹐你最緊要係觀察體溫﹐退左燒既意思啫抵抗力已經控制病毒﹐但細胞復原需時﹐所以病徵仍會影響孩子幾日。 如果其間你發現孩子再次發燒的話﹐就需要再找醫生檢查了。 因為發燒既意思係身體對抗緊病菌呢。

Jo3補充:
謝謝妳詳細的答覆
p.s. 我仲傻到問醫生, 會唔會開抗生素俾佢… 因我心諗如果開的話, 叫佢索性俾一個療程(因有d醫生如果妳唔出聲, 佢俾得2日藥)

123sillyboy123意見:
唔傻的﹐好多人都唔知。 以為抗生素係萬能﹐以為係特效藥。 其實抗生素對病毒係一D作用都無。 誤用抗生素係令細菌變成超級細菌(superbug)嘅很大因素。
咁佢無俾抗生素吧﹖ 因為傷風感冒係唔會成抗生素的。 當然﹐如果孩子有其他問題﹐如中耳炎﹐肺炎﹐就要用抗生素了。