懷孕期間戒口

請問懷孕期間有d咩係唔食得? 有無人可以比d意見呀?

傻妹嘉意見:
如果真係要戒,,, 好多野都唔食得架wo….不過我係一個好為食既媽咪, 所以我只係戒某d食物….我自己就無食羊, 蕉, 田雞, 海帶糖水…… 其他d 蝦蟹,8爪魚,凍野… 就會小食d

CECIkaka意見:
我冇食羊,蝦蟹,總之生野全部唔食!不過有好多人都唔戒口架,所以可以有好多種說法…你可以去買本書睇下,有好多仲教埋你煮野比孕婦食添

gc71意見:
講真我只係戒有菌食物, 如魚生, 不番熱燒味, 生蛋,其他咩都食, 只要不過量就得!連蟹都食!

CECIkaka意見:
蝦蟹o係中醫黎講係寒涼…又話食左bb出細會容易出疹,不過我諗如果本身冇敏感既話食小小ok掛,唔好食蟹腳囉,芒果我自己都有食,不過中醫話濕熱,想bb皮膚靚就唔好食,haha我個fd成日食大閘蟹佢仔仔咪一樣咁可愛…而且冇話特別會出疹

kellyly1211意見:
我兩胎都只係唔食生野(怕有菌),其他咩都食,只係唔過量,你講既野我都有食,我兩個仔都無野

aliceming2011意見:
最主要唔好食”生冷食物”怕感染”李斯特菌”,因為大肚婆感染”李斯特菌”好容易做成流產,e.g. 魚生, 雪糕, 軟cheese, 貝殼類海產, 燒味, 生蛋等等….所有食物要熟哂先好食

意見:
我自己唔食:芒果,鵝,鴨(濕熱),榴槤(果糖太高),未熟晒嘅海產,咖哩(香料太多,濕熱),其他魚生果d我頭3個月唔食,之後就算食都唔食得多..

Facebook Comments Box