BB幾大可以食糊仔?

新手媽媽想問bb係咪一到6個月大就可以食糊仔?同埋糊仔同麥皮有冇咩分別??

babylow意見:
可以食,糊仔比較易入口易食,同埋6個月bb都係嘗試奶之外食物既第一次,麥皮難入口,唔易食落肚,對6個月bb哩講難消化

solomandy意見:
麥皮對一個6個月既bb黎講太難消化啦 , 而且bb開始試奶以外既野 , 揀d易入口既野 , 因為好影響佢之後食野既感覺 !! 第一個感覺唔好既 , 佢之後對食都會有d驚架 ~~不過我個仔唔鍾意食糊仔 , 試左2個月都係唔鍾意 , 轉左煮粥仔就好鍾意食 !!

火鳳凰123意見:
試下切半個蘋果,用茶匙刮成果蓉,BB會喜歡嘗試,煲焾的紅蘿白或薯仔,可以代餐!

fuBB意見:
初頭食米糊可以加D奶開米糊, 亞B會食到有奶味會喜歡食, 之後慢慢加其它味,e.g.蘋果米糊,香蕉米糊, 豆腐蛋黃米糊….. 再大d可以煲粥仔… 加d肉, 菜, 蛋黃, 雞肉, 紅蘿蔔, 南瓜, 魚茸, 粟米, 木爪, 節爪…. 而家我女可以食成一碗半架!!!

搵命搏意見:
搵隻易入口..滑d 既糊仔食啦,麥皮就真係唔好住啦

唔記得左啦意見:
6個月大係可以比佢試下食糊仔架啦.搵隻有奶味既糊仔好重要, 咁樣對初接觸糊仔既bb黎講係會易適應d架,麥皮就緊係唔同啦, 大人食就得, bb腸胃消化唔黎架, 始終唔同, 唔好亂試

唔記得左啦意見:
我自己就比bb食美x健奶麥粉, 我自己入口試過…都幾滑架! 哈哈~同埋我貪佢方便, 用暖水一沖就得goodddd

Facebook Comments Box