懷孕期間可否食薑?

請問懷孕期間可否食薑及其他薑製品? 啲人話食薑會令子宮收縮,所以最好唔好食。咁薑汁撞奶薑糖,番薯糖水(入面有薑糖水)…. 等等,呢啲又可以食嘛?謝謝!

cherriebb意見:
除左薑汁撞奶, 其他有薑o既成份我都戒晒, 到依家臨生先敢再食, 但薑汁撞奶我之前係一個月至食一次, 所以應該冇乜影響,番薯糖水我勸你少食為妙, 因為孕婦o既腸胃比起一般人已經唔多好, 番薯又難消化易放屁

kaman710意見:
其實點解唔可以食薑呢?!

cherriebb意見:
因為會令子宮收縮嘛… 如初孕期子宮收縮o既話就怕會小產

meichi2意見:
我仲去優之良品買咗盒薑諗住食添,其實有咗BB真係有好多嘢都唔知原來唔食得囉,好似我尋日先知原來唔食得菠蘿,但係我前幾日已經食咗好多喇

CECIkaka意見:
但係我睇書話小量既薑可以舒緩孕吐

我係Joyce妹意見:
我反而知道食薑會有止嘔既作用….同驅寒,我之前頭痛, 老公用片糖煲薑水比我飲, 即刻冇晒頭痛,不過我諗最好睇下中醫, 因為個個人體質唔同, 可能效果都唔同~

manta111意見:
我間唔中會食下薑糖, 但薑醋個d薑就絕對唔敢食(但好想食),至於平時煮”送”, 就一定會落薑要黎驅寒, 所以都唔係話咩薑都唔食得囉!

Facebook Comments Box