氣管敏感、濕疹、鼻敏感同天氣有關嗎?

氣管敏感、濕疹、鼻敏感同天氣有關嗎?我個大仔已經2歲了,其實佢只係6個月前有濕疹,之後同佢食左d低敏奶粉,就冇事……但如果有時食d 有蛋或有奶既食物, 咀邊都會有d疹子 (只係咀邊少少)但有時如果唔係因為食物既問題就係天氣…好似幾日前天氣既濕度低,佢氣管敏感,咀邊既紅疹都會出來…同埋佢都會有鼻水,好似敏感咁,哩幾樣野係唔係有關係呢?

gc71意見:
當然有,天氣突變更明顯!濕疹要注重補濕,食物敏感就要注意每次只可試食一種食物至少3天,唔好加未食過的食物!如果嚴重,去醫生到做test,氣管敏感就真係無計,就算開暖爐同放濕都幫助不大,如果嚴重,可以吸抗敏藥,醫生話負作用少,好過咳傷喉嚨!

acok意見:
我仔仔就有濕疹! 皮膚都特別易敏感!真係日日都要搽lotion..天氣一冷一熱都會令到佢起疹!氣管敏感, 天氣一轉凍, 就會有點難抖氣!加上有食物敏感個底, 就更麻煩! 因為食錯d咩, 除左會出紅點之外, 嚴重起唻仲會抖唔到氣! 所以整野食俾bb個陣, 真係要特別留意呢一點!

baobao117意見:
氣管敏感、濕疹、鼻敏感都係BB本身身體抵抗力弱先出現(都有遺傳),如果係後天先出現 要怪怨父母先, 因為9成都係父母失職,BB係半歲前既抵抗力係媽媽比佢, 呢半年內BB自己都要一路儲存,半歲後既抵抗力,父母係呢半年內照顧得好, 阿B係半歲後出現呢D問題機會不大

失職之處
1:屋企既清潔, 有冇養有毛動物?
2:揀既奶粉是否啱阿B? 由半年開始食既食物有冇由小去到多既次序?
(從當中你會見到咩食物啱阿B食又冇敏感, 如出現敏感要等多一個月後再試食少少……呢一點好重要又要好細心)
3:阿B沖涼產品有冇化學物質?
(舉例M字牌子佢好出名, 但好多人都唔睇佢既英文成份, 呢D產品初初用時 阿B唔會有問題……去到某時候先會敏感)
4:洗阿B既洗衣液入面有冇漂白水同柔順劑成份? 市面上90%既洗衣液都有 (最好用洗衣粉 浸耐DD衫)等等,呢D都係父母要熟悉既問題

123sillyboy123意見:
用最簡單既分類﹐敏感係分四種
1.皮膚過敏 (如濕疹)
2.氣管過敏 (如哮喘)
3.季節性過敏 (如花粉症)
4.食物過敏 (如牛奶過敏)

好難100%清楚知道甚麼原因引起過敏﹐但可以從日常生活既經驗瞭解到的。 又或者做個詳細既敏感測試﹐會比較清楚一點。濕疹引起既原因亦人人唔同﹐食物又得﹐衣物又得﹐最重要係有濕疹既人﹐一定要經常搽cream﹐唔好懶。 保潔係最重要的。如果你發覺濕度低時﹐氣管會過敏﹐皮膚又會出濕疹的話﹐你最好買部放濕機(humidifier)..會有很大幫助的。

Facebook Comments Box