睇街症, 醫生俾左支藥但聞落好似消毒火酒, 俾唔俾BB食好?

我B女已經病左幾日, 之前同佢睇私家醫生, D藥唔得,跟住今日去左睇街症, 返到屋企一開支”袪痰劑”聞左一下, 好大陣消毒火酒味, 聞真D真係好似消毒火酒, 但係支咳水冇咩野,咁我比唔比今日去街症睇果D藥佢食好? 我驚d藥入錯左

Jo3意見:
有懷疑咁係唔好俾佢食啦. 拿返去確認有冇入錯.

123sillyboy123意見:
嗰種係其中一種正常既咳水﹐俗稱「馬尿」﹐因為有好大陣味﹐聞落去好大陣「阿摩尼亞」﹐幾攻鼻的。 但效果係幾好架。 係加拿大﹐此藥叫Buckley。但唔好話對孩子﹐對成年人都好難入口﹐因為陣味好難頂。

pekkle0101補充:
但藥水隻色係透明, 唔係黑色果d,如果係黑色果隻藥水反而我會覺得冇野,因為第一次同bb去睇街症,配藥產生問題,我未試過聞一隻藥真係好似消毒火酒味

123sillyboy123意見:
我講果種﹐唔知同你果種是否一樣﹐不過我講果種﹐的確係透明或奶白色的。 同埋係好攻鼻﹐好大陣味。不過﹐你最好帶番D藥去街症果到﹐confirm一次係咪正常。 如果正常既話﹐就應該係我講果種「馬尿」咳水了。

Facebook Comments Box