會陰傷口線頭一問

我想問下會陰傷口果個線頭幾耐到會溶嫁? 係咪一定要用溫水洗傷口?
我睇到有d人話個線頭唔識溶要搵醫生剪…
我今日沖涼果時摸到個線頭好大個…
我好驚佢唔識溶

樹熊B意見:
買包海鹽, 記住唔可以用幼鹽!
用較熱既溫水, 倒1/3包海鹽落去…
每日都浸下個傷口, 大約浸15~20mins…
咁樣線頭就好快自己會溶..

浸完記得用清水沖返乾淨個傷口,,
呢個方法係我個醫生教
個時我又係溶得好慢,, 好彩有浸鹽水
唔係實要去剪線頭都似

樹熊B意見:
大家唔好以為浸鹽水好痛
唔好怕, 真係唔痛既.. 唔會”那”,, 我可以發誓..
而且我相信, 冇野會比你生小朋友個下辛苦…
海鹽可以殺菌(係supermarket幾蚊包個d,, 唔係浴鹽)
浸下反而個傷口唔會發炎,, 仲埋得快d..
買個淺膠盆.. 直徑大約就好似”痰罐”左右
一盆水落1/3包海鹽落去,, 呢個濃度係好咸好咸既
舐一啖直情好似舐海水咁就o岩ga喇…
將個盆放凳仔上面,, 你就坐落去~
咁呢15~20mins你咪睇下雜誌,, 打下nds囉

kiko19911009意見:
我以前都係甘浸架,不過我係浸醫生開既藥水
浸完真係埋口都快d架
Facebook Comments Box