保嬰丹是否可以治咳?

我 BB 6個月1週大, 一直咳了 2 星期, 最近依兩日又再咳得嚴重左, 尤其係半夜或臨天光….究竟點解會咁? 我又唔覺佢有鼻水…只係不停咳…保嬰丹係咪可以治咳? 我不想 BB 再食西藥了, 想轉做中藥, 可以嗎?

siusiu99999意見:
我覺得唔需要比呢d 野佢食, 佢都係得6個月咋…你試下墊高d張床比佢瞓, 會舒服d架…佢只係咳? 有冇其他唔舒服呢?

LIONDOG1030意見:
小朋友咳可能氣管問題架, 仲要咳了2星期, 睇醫生啦

billy166補充:
一直都有睇醫生呀, 食足 2 個星期藥了, 但只係開 d 傷風, 化痰+咳藥…今早同事話可能係氣管敏感, 因為佢只係半夜同天光瞓醒先勁咳, 日頭都無咳的…我問了睇開既醫生要不要轉藥 , 我說懷疑他不是感冒咳,但醫生說, 咁細個 bb唔會有氣管敏感, 他的氣管都未成熟, 氣管還在形成階段, 所以偏窄, 有咳係正常喎…..叫我繼續比藥佢食 ( 原本個 d 傷風化痰 + 止咳 ), 但只係睡前食…….

jennymay322意見:
你可以同佢去睇中醫試下,如果淨係夜晚咳…呢d叫寒咳,可以食猴棗散試下,但係如果你唔敢試, 咪帶佢去 位x堂,余x生呢兩間野睇中醫!始終大間d有信譽!我bb由半歲到開始都有時要睇中醫,因為佢有時傷風睇西醫後斷唔到尾,睇一次中醫就ok曬,依家睇中醫食中藥都唔需要驚…連政府都話要開中醫醫院啦…又駛乜怕佢會對bb有害…西醫d藥咪又係有化學成份….有無咩害處大家都唔清楚….就以我仔為例次次感冒食西藥後就好散呆曬,又無胃口,又發脾氣,病幾日就瘦曬,反而有次感冒同佢睇中醫就算有d低燒佢個人都無咩野,又無咩點輕到,又肯食又肯瞓又肯玩,雖然係兩行鼻涕都係咁話!醫學上既野我唔多識,但係邊樣對bb好,睇佢神精狀態就最清楚啦!

123sillyboy123意見:
我唸都係唔好俾咁多依D產品BB食。當保濟丸咁老字號都可以有問題﹐含禁用藥物&致癌時﹐大家應反思依D咩咩單﹐咩咩丸﹐咩咩茶係咪仲應該俾孩子食﹖

狗咬狗骨意見:
應該轉第二個醫生, 反正都睇左兩個星期都仲係咳, 點知佢有無詳細檢查清楚架?

Facebook Comments Box