小朋友有蠶豆症要注意甚麼?

我想請問有無人有蠶豆症?

因為我剛剛生完,醫生發現佢有蠶豆症,我好驚…

請問蠶豆症要注意乜? 除左蠶豆外,仲有乜食物唔可以食? 有無人可以解答到? 有無人既小朋友有?

蘋果草意見:
我細佬有蠶豆症,由細到大都唔可以食蠶豆,唔好亂食中藥,唔聞得臭丸果D,依家都無咩事,算係健健康康。其實呢個唔係咩大病,加上醫生無特別講咩,唔使咁緊張既

JAPAN1974意見:
我個小朋友都係剛出世左幾天,醫生都話佢有蠶豆症,但要約時間返母嬰院聽關於蠶豆症既講座

出世後第一次去母嬰院個護士已經幫我們安排啦…..
而家知道個b 有蠶豆症急忙取出家裡既臭丸,仲有好似驅風油都唔吸得架

babes_yuki意見:
其實大個左就冇野架啦
意思系好似我細佬咁, 而家17歲都有嗅過臭丸都冇事, 不過D中藥就一定吾得食!
我BB都系有G6PD…不過BB太細, 嗅D臭丸好大件事…

其實唔駛過分擔心…好普通…100名男嬰中就有1個…而1000名女嬰中就有1個…
只要唔好比佢食中藥, 咩開奶茶個D都唔得…仲有如果睇醫生就要睇西醫,,講比佢聽有G6PD
因為有D抗生素唔食得….其實同普通人咪一樣, 就好似有D人對海鮮敏感

babes_yuki意見:
有甚麼因素會誘使G6PD缺乏者發病呢?
1.嗅覺、觸覺因素:─→特別是臭丸、樟腦、冬青油、萬金油和顏料等。
2.食物:─→G6PD缺乏症也稱為「蠶豆病」,故名思義,蠶豆便是一主要的病發誘因,尤以新鮮蠶豆為甚。在農村,吸入蠶豆收成季節的花粉,亦曾會影響此病發生。
3.中藥:─→包括牛黃、川蓮、臘梅花及珍珠末、金銀花、熊膽等,個別項目應請教醫生。
4.西藥:─→西藥中也有很多會令酵素溶解而缺乏的,種類過百難以盡錄,應個別請教醫生,最常見的包括阿斯匹靈(水楊酸),這包括口服及塞肛、退燒的亞士匹靈、抗瘧藥、氯霉素、水溶維生素K3、磺胺等。
5.其他因素:─→包括新生期、感染、缺氧、腦出血、糖尿等亦會令G6PD缺乏症病發。

其實如只是少量接觸,大部分情況都是沒問題的,父母毋須過份驚慌的。當然,較嚴重的則會呈面青、黃疸、沾寒沾冷、疲倦、頭痛、小便呈紅茶或普洱茶般深色;較年長的小童亦會有腰骨痛和肚痛等。最嚴重的會導致急性腎衰竭、休克,甚至死亡。

Facebook Comments Box