一架BB車煩到我同老婆頭都大,原來要顧慮咁多方面!

老婆有左BB 4個月
但我地已經開始煩依樣煩個樣啦
可能第一胎咩都唔識所以比較心急啦

而最近亦開始考慮緊買定BB車
但我同老婆又咩都唔識喎
大家準爸爸媽媽可以比下意見? 交換下心得嗎?

20160815143623.jpg

D_16bmaterna意見:
most important is light and easy to roll, need not to buy expensive car!

D_16bandychw意見:
其實無咩心得
最緊要你睇過實物覺得ok咪得
唯一就係個車輪唔好太細
因為有時路邊d位會”cake”住個車輪的
同埋如果你同太太都生得高大就唔好買太細架個d啦

D_16b史力奇意見:
等BB出世, 佢自己試過歡喜後先買.
因為我見其他 post 講過, 有D父母一早買左, 點知BB坐得唔舒服, 唔坐, 搞到要買過另外一架.

D_16bman_021意見:
其實BB車真係唔需要太早買定~
我上星期去買BB床, 諗住順便買埋BB車~
跟住個SALES姐姐問我, 架BB車係比幾大嘅BB坐?
我唔太明佢講咩, 之後佢話大部嗰D, 可以比埋初生嬰兒坐,
如果細部輕巧嗰D, 係比6個月或以上嘅BB坐,
咁我本身好細粒, 但又好喜歡去街, 所以一直心儀細細部, 我一手都可以拎起嗰D
所以我最後冇買BB車, 只係買咗條孭帶~ 因為初生BB都係手抱多~
到BB 4, 5個月大, 先睇車仔都未遲~
不過如果你有工人, 可以幫手抱BB, 推車仔, 咁大部D都冇所謂~

D_16bjess1意見:我老公同我果時都為架車考慮左好久…
有以下結果:
combi 同Aprica 呢D日本車仔…真係好輕, 好方便收放, 一個女人仔都可以隨手拿起…不過太細, 我好多同事個BB一到6,7個月就唔肯坐, 有個同事個女比較肥, 三個月在冬天加埋D厚衫…有D塞唔落車嘅感覺..同埋轆細, 上下斜好震. 曾經見到有媽咪講佢阿B震到唔想坐..最後買左部CHICCO…
CHICCO,GRACO..比起日本車仔重少少, 不過穩定好多, 而且空間較日本車仔大, 價錢都同日本車仔差唔到, 曾經係考慮之列…不過最後都無選擇到…好像是有個牌子嘅車係美國被回收…
最後選擇左最大部, 最重既Peg-Perego: Pliko P3..因為最穩,最紮實…很多人話好重, 不過因為我同奶奶住好近..成日要推阿BB過去..又可以後面企埋一個細既…同埋真係可以俾佢坐到好大都好鬆動, 佢舒服時我舒服…

D_16btablen意見:
最緊要輕同扁細。
我個女一出世我買左架 chicco,扁大 size,我最初都諗住架bb車又大又穩陣就好;點知擺喺車尾箱就擺唔落其它物品(我架車都算大),重之餘出入停車場都唔方便、商場多人唔方便、出入食肆唔方便;好處係載得多野,去 shopping 唔錯
我個女宜家2歲,但呢架車使用次數 10 隻手指數得曬
因為用得少、又「呀」左大半個車尾箱,歲幾時買多架兩舊水嘅車 — 又細、又輕,反而用多左;架chicco 擺左入 store room
至於有 ching 講中唔鍾意坐,我認為係習慣;個b一眼瞓就擺落 bb 車,慢慢就慣;個b唔識揀邊架車安全

D_16bcoleleeee意見:
頭6個月阿B出街應該唔會太多,可以慢慢。我個人經驗,如果無車嘅話,就一定要輕,因為太重,你係會覺得好辛苦唔願攞。但BB車輕嘅話,D轆就會比較細,上落就算係少少斜或路肩都會D有困難,而且避震會差D。
D_16bsummato意見:
你同老婆去睇下BB車先啦…你就會知道, 如果你推BB車出街時, 一定要兩個大人一齊出街先得, 因為hk實在有太多地方係要收車先得… 到時一個大人抱BB, 另一個大人收車…除非你覺得自己勁到可以一手抱BB一手收車啦… 所收輕重都好, 你都係要兩個人! 我同太太買左部重, 高身, 硬淨既車. 因為太低會食塵, 同埋我本身高, 太低好難推, 太輕時你又唔可以掛背包上去, 唔係會反車….
D_16bBrother_in_law意見:
其實有好多樓上鋪都有多款bb車賣, 都係有牌子嘅產品
有時因為樓上鋪唔係唔多客…佢地會特別用心俾意見你, 價錢又會平d…所以都係一個好選擇嚟…上網search下啦
D_16bmamamee意見:
我有位做咗爸爸嘅朋友同我講,
bb車可以等呀b出左世之後上網買2nd hand好過……
因為始終平d同埋根本唔使買太貴.
bb好快唔啱用…
D_16bmomoko8899意見:
輕係方便爸媽,但係內籠大bb瞓得舒服安全都好重要。要視乎樓主屋企附近d路好唔好行,路面不平,車太輕,避震唔夠好容易整親bb 脆弱嘅頸頭腰。我個fd 架combi 用唔夠一年個轆就壞左,要拎去整,後尾佢買左架viki, 用到依家兩歲幾仲好地地。我都係提議你睇下bb 出左世咩size 先
Facebook Comments
廣告