人體奧秘問題:胎兒呼吸系統

胎兒未出世時是在液體環境生長,出生後是大氣環境(用肺),她的呼吸系統如何自動調節去適應由液體環境轉到大氣環境?

123sillyboy123意見:
胎兒於子宮內不是用肺呼吸的。 胎兒所需既氧氣全由母親血液提供。所以孕婦要小心注意自己有否貧血問題。但不代表BB個肺唔識郁﹐ 是實上﹐個肺雖然未會呼吸﹐但由懷孕20周左右﹐橫隔膜&肺部都有震動既現像﹐如打嗝。而到懷孕後期﹐ 仔細既醫生如果覺得有需要時﹐可以同胎兒進行BPP超聲波檢查。 BPP = Biophysical Profile… 當時其中一項係要觀察胎兒肺部有否連續不少於30秒既“呼吸”現象。BPP對一些有機會早產既BB意義比較重大。

到BB真正出世時﹐ 當BB感受到大氣壓力﹐就自然會大喊﹐ 當大喊時﹐空氣會由呼吸道直入肺部﹐令肺部擴脹。 與此同時﹐醫生剪斷臍帶﹐ 正常開始靠自己呼吸取得需要既氧氣了。由於氧氣之前由媽媽既血液經臍帶提供﹐ 所以胎兒既血流情況同我地唔一樣。 亦因為依個原因﹐所以胎兒心臟都有一個小洞。當BB出世後﹐由自己呼吸開始﹐ 心臟那小洞會自然縮小埋口。 但有少部份BB (尤其是早產BB) 心臟小洞未能正常埋口的。 依D情況叫PDA。如果你留意初生BB既手腳溫度﹐會發覺總是冷冰冰的﹐這正正表示BB血流未正式同我哋一樣﹐所以手腳才會冷冰冰。

MichaelLui追問:
聽講有d BB穿左羊水十個鐘先生到出來, 咁BB在這十小時是用什麼方式呼吸?(因為沒羊水, 可能吸入少許空氣, 但又仍有臍帶, 似乎是界於兩種環境之間呢)

yukoyuko意見:
唔係一穿就全部流走晒,我嗰時穿左水, 之後間唔時有次陣痛就會流d出黎, 係流唔停的

Facebook Comments Box