全職媽咪一問, 很想瞭解大家意見

好想問下究竟全職媽咪面對以下問題

1)會唔會因為擔心奶奶湊方法同自己唔同, 所以唔俾奶奶幫手?
2)會唔會湊B湊到 去廁所, 食飯都唔記得?
3)經濟對於你成為全職媽咪要考慮D乜野?
4)老公放工返黎冇花好多時間做家務, 點處理?

misskklai意見:
1) 我同奶奶湊仔方法唔同,但都要俾佢幫手,我一個湊唔掂2個
2) 唔會…因為BB食飯我就食飯,一齊食既
3) 暫時老公份糧都夠一家四口用, 冇咩擔心, 每個月仲有少少錢儲蓄
4) 我老公放工唔會幫手做家務, 只會幫D仔女沖涼餵奶…好過冇

迷你版意見:
1)我喺US,奶奶喺香港所以冇問題
2)我10月先生BB,但我相信時間可以安排到,只係一定冇咩時間瞓
3)自己唔做野老公都負擔到全屋開支,同埋有儲蓄可以應付到突發事件
4)我結婚後已經冇返工,家務我自己做晒
有左bb後,唯一要佢做係叫我老公幫我買餸,我冇再叫佢做其他家務

yukoyuko意見:
1)會唔俾奶奶幫…未生之前講到好完美, 生左之後完全兩回事, 所以我自己湊返!
湊一個其實好易, 一d都唔難! 對於我黎講!

2)唔會唔記得, 最多食遲d, 因為我餵人奶, 佢食時要痴實我好難一齊吃

3)好睇返你個家庭係點~平有平養,貴有貴養囉~ 冇話冇錢養唔大既!

4)做得全職主婦咁呢d野就梗係自己做….通常老公放假果日就佢黎做囉
同埋佢放工返黎都要湊b, 對左佢成日, 我真係冇乜精力同bb玩

*~咩咩~*意見:
1)我唔知同唔同~ 因為我信我奶奶唔過, 我老公又信唔過我呀媽, 未生之前已經講好左唔畀奶奶同埋我呀媽湊

2)呢D一定會~ 但我會帶埋個囡去廁所等我~ 佢坐係門口玩, 就算要煮飯, 我都放佢係廚房門口, 佢又可以見到我, 我又可以見到佢, 所以做到家務
食飯, 我多數都會餵完佢, 佢玩個陣我就可以食飯~ 就算初生BB個陣, 佢一瞓左我會即刻食飯

3)用一蚊都要考慮! 好多時唔係必要就唔買, 留返D錢, 因為一個人搵錢, 3個人洗, 真係好”窄”

4)老公番工既日子, 我唔洗佢做家務, 每個人都有工作崗位, 我既工作就係做家務, 冇理由要佢番完工仲要做埋我個份~ 咁樣好唔公平!
所以佢返黎, 只係陪個女玩, 幫我湊住佢, 等我可以專心煮飯, 我已經好開心~ 家務, 下晝個陣我已經做哂
反而佢放假既日子, 我就要佢幫手一齊做家務, 冇理由佢有假放我就冇, 我唔洗佢做哂, 做一半已經OK~ 起碼唔係坐係到睇電視, 乜都唔郁~

彩繪玻璃意見:
1)唔會比奶奶湊

2)唔會,唔照顧好自己,點照顧bb

3)當然前提係有錢,有穩定收入,有左bb之後自己都要用少d錢。

4)唔會要老公放工來做家務,除非工作好輕鬆或者放工好早
不過香港地大部分工作都好辛苦,所以最好請工人或者鐘點做。

小惡魔Nicholas意見:
1)我都不知幾想有奶奶呀

2)唔會唔記得…只係好難抽到身

3)慳得一蚊…得一蚊

4)佢肯抽d時間陪BB玩下…都已經足夠喇

Facebook Comments
廣告