我太太生了bb 7天仲依然腳腫，點解?

yukoyuko意見:
我未生前勁腫! 生緊嗰陣唔知點解消晒……
連老公陪產見到都話好神奇, 當時我地已經幾個月未見過隻腳眼
但係生完第二日…又腫返, 不過唔係好勁…隔多一排就消晒腫了!

babyeirrac意見:
我都係剛剛生完一個星期, 對腳又係水腫, 跟產前一樣.
上網check過以下資料:

[轉貼]
婦女產後產褥期內出現下肢或全身面目浮腫者，稱為產後水腫。現代醫學認為，產後水腫一是由於妊娠高血壓綜合症而出現水腫，在產後短期內此種水腫會自行消失，不必治療；另一種則是由於出血過多或營養缺乏所引致。

中醫認為，產後水腫一是由於脾胃虛弱，不能運化水液所致，二是由於腎氣虛弱，不能蒸化水液而成。

消腫食療

白朮大豆鯽魚湯
材料：白朮五錢，黃豆二兩，鯽魚一尾（約一斤），生薑三片，調味適量。
做法：鯽魚劏洗乾淨，用少許油煎香；白朮、黃豆洗淨；將材料放入煲內，加水煮約二小時即成。
食療功效：益養臟腑，利水消腫。

鮮蠶豆粥
材料：新鮮蠶豆四兩（乾品二兩），粳米二兩。
做法：鮮蠶豆去莢，剝出蠶豆肉；粳米洗淨後用油、鹽 略醃；燒熱水，將米和豆加入，煮成稀 粥，每日服二次，連服七天。
食療功效：健脾利濕，和胃止瀉，消腫。

山藥大棗粥
材料：淮山二兩，大棗十枚，糙米二兩，白糖適量。
做法：淮山，大棗用清水浸洗；糙米洗淨 ；將全部材料放入瓦煲內，加水煮 約一小時，調入白糖即可供食。
食療功效：補益肺腎，健脾利濕。

桂圓薑棗粥
材料：桂圓肉一兩，大棗十枚，生薑三片， 糙米二兩。
做法：將材料浸洗後，與糙米加水煮成濃稠適度的粥。每日食二次，連服七日。
食療功效：健脾益氣，養心安神，利濕消腫。

白朮茯苓粥
材料：白朮五錢，茯苓一兩，五榖米二兩。
做法：白朮、茯苓洗淨；五榖米 用水浸洗；將材料放入煲內，加水煮成粥，每日服二次，連服七至十日。
食療功效：健脾、利濕、消腫。

以上資料只供參考，有需要人土請諮詢專業人員。

小宮女意見:
我生完之後都有腳腫
我個陪月幫我煲薑水沖涼, 沖左二三日後已經冇腫
佢話因為生完後血氣唔好所以會腫
用薑水沖涼等血氣運行就能去腫
你都可以試下, 睇下得唔得啦