順產係咪多數都要剪會陰? 會很痛嗎? 有麻醉的嗎?

最近去醫院聽左一個關於懷孕既講座, 途中播左一段順產片段,
睇睇下見到把剪刀剪落去, 跟住好快抽左個BB 出黎, 好驚嚇呢….

各位媽媽, 真係辛苦曬你地啦!
我終於明白點解我地重視母親節多D, 因為世上母親真的很偉大!
為了兒女的誕生, 竟能承受如此痛楚!
睇完後, 即刻握住老婆隻手, 因為我知道佢下年三月都要同樣承受這痛楚, 有點緊張及不安……

各位媽媽(經歷過該程序), 可否分享下?
係咪多數都要剪的? 有痲醉的嗎? 是否真的很痛?
聯針時會很痛嗎? 有痲醉嗎?

popomeow意見:
大部份都要剪, 剪左少好多好多機會爆, 唔剪就好大幾會爆(除非真係夠闊),
一爆就講緊聯十幾針 (我朋友就係咁), 由內爆到外…..

肥千意見:
睇你邊間醫院生,間間做法都唔同
聯合醫院會打麻醉針先再剪,有d醫院係聞氣only

其實到時係試左個位,助產士會睇下要剪幾多
正常係等你下次陣痛果時先會剪(我嗰時係咁),所以淨係feel到佢剪,但唔痛 (當然有枝麻醉啦…)

藍月兒意見:
我有剪…
佢會係你大痛push緊個時才剪, 所以一d都唔痛, 因為陣痛俾佢痛1千億倍
生完縫針前會先打一支麻醉針…縫時會有少少痛…不過我ok接受到…

好味道意見:
我都有剪, 剪果下唔痛, 甚至幾時剪既都唔知, 因為陣痛既痛已經蓋過晒
不過聯針果下雖然已經一直聞緊氣, 亦有打針, 不過聯嗰陣都係有d 痛

想痛少d既, 乖乖地聽醫護人員既話, 合作d…… 賣乖永遠都會得到特別待遇既

肥千意見:
我唔痛…
因為助產士係縫針之前問我痛唔痛 (唔記得佢點試我痛唔痛)
我話仲有少少痛,佢幫我打多一枝麻醉針,TOTAL縫3層

但有心理準備,縫面嗰層點都會痛,我都痛到問姑娘點解咁
佢話表皮最敏感,點都會痛,但相比陣痛,一定頂到

流血我都唔知原來流左好多…
我老公話出返去果時見到我勁多血,塊綠布染哂血…
之後我聯針見佢拎D布上黎,真係好多

misskklai意見:
我兩胎都有剪, 剪之前打麻醉冇聞氣, 但係我完全唔知佢剪左
因為陣痛既痛已經蓋過俾人剪個下既痛
縫針都唔痛, 縫之前會打麻醉針, 只係feel到佢縫針時d線郁黎郁去, 完全唔痛

solomandy意見:
其實唔好諗住剪會痛 , 因為陣痛痛到剪左都唔知 ,
你問10個孕婦 , 起碼8個唔知幾時剪左 ….

Facebook Comments
廣告