早幾日轉啡色, 但呢幾日又變返紅…惡露到底幾時先清?

生完bb都有20日啦…..d 惡露幾時先清呀?
原本早幾日開始轉咗做啡色, 諗住都差唔多完啦!
點知…呢幾日又變返紅色, 又黎過…
有咩辦法快d 完呀?
d 天氣又熱, 仲要成日焗住, 真係好辛苦…..

sheung1126意見:
紅色? 會唔會係經期黎架?
好似有d人會黎完惡露就即刻黎經架喎

肥千意見:
無…要等佢自己清
呢段時間唔好食D咁刺激既野…薑醋,雞酒都唔好食…
仲有車厘子…我就一食就澎澎聲…

同埋唔好介意我講得肉酸…
惡露既味同月經既氣味係唔同…同埋惡露係粘D難聞D…月經係水D

123sillyboy123意見:
你餵人奶﹖抑或奶粉﹖
去藥材鋪買生化湯﹐可以幫你清左D 惡露。
或者買白背木耳煲水飲﹐早晚都飲﹐都可以幫你散走D惡露架。

如果你係餵人奶既媽媽﹐就有排都唔會清。
人奶媽媽既惡露係流得比較長時間。

carriekw補充:
我生完第四日就飲咗生化湯啦…
而木耳果d 我都成日食…
不過我就餵人奶, 奶粉都有餵既…..

123sillyboy123意見:
如果有餵人奶既話﹐惡露係比較遲先會乾淨。
期間仲會一時轉左啡﹐轉左淡粉色﹐但無啦啦又轉返紅色﹐依D情況對人奶媽媽都係正常的。

無咩問題﹐無計的﹐因為餵母乳係有依個生理現象。

Facebook Comments
廣告