未知道懷孕前睇牙醫照過X光, 醫生話最好唔要個bb, 點算?

前幾日看醫生發現有咗6周半, 但喺大約前二星期時因為牙痛照左兩張X光, 醫生話最好唔要個BB, 但係我好想要個bb, 點算好!
照X光係唔係影響好大?

neko1234意見:
我剛有左都有照牙齒X-RAY(3-4個WEEKS。唔知自己有左)

我問過醫生都話應該無大問題
(不過你問醫生係咪一定無問題,我諗十個九個都唔敢寫包單架啦)
照牙齒X-RAY 嘅幅射量很少
如果照肺或內臟問題就大,因為幅射量大,又比較近子宮
怕幅射影縮胎兒變畸形

如果擔心,就做密D檢查,同埋做詳細嘅結構檢查
發現有問題,都可以及早決定唔要

而家我BB都6個月大啦,暫時都無咩問題

你可以睇下以下政府單張-準媽媽的口腔常識(佢裡面都係寫話幅射量好低)

按一下以存取 L010.pdf

uncle9意見:
我唔係咩專業, 又唔係做醫生既, 不過我對個醫生講既野亦有d保留… 我建議妳認真搵個專科醫生睇好d. . .

首先,我唔係想話個醫生錯,但要記住妳係第一次問個case,仲係咁早期,比我都會”提一提”妳可以唔要喇,估妳仲有機會再懷孕嘛 (除非妳已經3X歲)
唔通拍心口叫妳去馬咩…萬一生落黎(touchwood先) 有d乜野嘅,無論係遺傳好,後天又好,妳都會返去剷佢喇. . . 係咪?

另外,牙醫同妳照 X-ray果陣有冇比個pad妳墊住條頸? 如果有,而妳又記得當時係托得好好嘅,咁又應該唔使太擔心嘅. . .

alice@@意見:
講真丫, 我認為無論你走去問幾多個醫生都係一樣比唔到一個確實既答案比你
雖然幅射係好低, 但唔代表冇影響, 都唔代表一定對個BB有影響, 答案冇人知…
所以一定要由你同你老公一齊去決定…
如果你選擇左要既話, 就要接受BB可能有任何既問題..
如果你選擇左唔要既話, 都有可能BB根本冇事, 而冇左一條生命…
所以…樓主你好好諗清楚……

lork意見:
呢d問題真係唔太適合放上黎討論區。
聽我地一班完全唔關事既人的意見,同問路於盲一樣。
同親戚、朋友、最緊要係你另一半傾。
風險方面,問醫生啦。

siupat意見:
我曾經睇過一期雜誌,入面有篇野係提到照x-ray, 佢講到照2,3次係冇問題
而且你仲係照面添
講真, 呢個會係個好重要既決定, 我諗你都會睇多一兩位婦產科先再作打算架

pigskin1121hk意見:
我諗你應該問多幾位婦產科醫生, 可能會比較好D, 如果唔好彩大部份醫生都叫你唔好要既話, 咁你都應該做出一個決定, 決定要唔要你就自己選擇

不過我想提醒你, 如果個BB係有問題, 而你又堅持生出黎既話(為自己私心),
唔該你做好媽媽嘅責任, 唔好生左出黎後悔唔要佢, 我唔想你害左個BB一世!
今次冇未下一次囉, 好過害左人喇!

Facebook Comments Box