太太出紅疹,又紅又痕,好似濕疹

我太太無端端出紅疹,又紅又痕,點算?
醫生開d類固醇都唔止痕好辛苦!

小黃豆意見:
其實濕疹好多原因, 最大機會係皮膚太乾或者用左有刺激性既cream

我依家4個幾月, 手腳都生哂濕疹, 我睇過醫生都係俾藥膏我搽, 搽完都係咁痕, 一樣有時都係痕到瞓唔著, 醫生話大肚婆係咁, 有D孕婦會痕到生左先好D

不過可以試下叫太太沖涼唔好沖咁熱, 沖完涼即刻搽不含香料既cream, 食野食清淡D, 痕的時侯唔好用手抓, 用毛巾抺一抺佢, 過幾日會有少少改善的

另外我媽教我, 可以去藥房買一包金銀花煲水, 攤暖後, 沖完涼用黎淋一淋個身, 唔食落肚, 試下都無壞, 我試過一次, 唔知係咪心理作用, 我覺得嗰晚無咁痕

jerna00b意見:
我陀b陀到31週嗰陣都勁出疹, 係出得非常犀利嗰隻…
成身都又紅又腫好似比火燒過咁…
嗰陣真係望住塊鏡喊…晚晚都痕到瞓唔列覺!

醫生嗰陣開a cream, 豬油膏, 黃色藥丸仔比我, 但係其實都無乜用…
唯一令我舒服少少既方法就係, 我一feel到痕就會去廁所濕條毛巾抹身, 然後即搽cream鎖住水份

醫生話嗰陣大肚就係咁, 生左就無事…
但係我生左都仲係咁, 最後仲要醫院轉介我去睇皮膚科…
而家都生左半年幾喇, 我都仲係有身痕, 但係比陀bb嗰陣好左好多

Facebook Comments