我一向唔鍾意小朋友, 由第一次拍拖都表明唔會生小朋友
次次講開這個話題, d 姨媽姑姐個個都話「到時你就想生架啦!」
有同事更說「我以前都好似你咁話唔生架, 後來咪又生左兩個」
我一直都認為我這個心態是不會改變的, 不是經濟問題, 而是因為我不喜歡小朋友. 從另一個觀點去看, 又可以說是經濟的問題, 因為我唔鍾意小朋友, 所以自然會覺得養小朋友的投資咁大唔值得.

有沒有媽媽唔鍾意小朋友但又生左呢? 有無類似經驗可以分享?

catalunya意見:
我唔鍾意小朋友, 不過意外有左, 咁唔通唔要佢咩?
我一向都覺得小朋友係煩, 響街度聽到佢地喊時我就火都黎埋.
我個立場係一係唔生, 一係生就2 個, 因為我想我死左之後佢地都有真正既家人可以互相扶持 (當然要佢兩個夾得埋啦!)

我生完之後, 覺得小朋友又唔係真係咁差, 可能自己年紀大, 火都收左7-8成. 講真話教仔方式我係唔及得人地咁好心機又咁有耐性, 有時我會質疑自己係咪因為要負責任而去教仔. 無論如何我都會盡力去教好阿仔, 我唔鍾意小朋友但唔代表我唔會盡力去教阿仔囉. 我對再生多個bb 既感覺冇咁抗拒, 有時見人地個女得意, 自己都想生番個女.

有左小朋友之後, 我開始明白咩叫生命既延續……
以前大學畢業後, 只係想搵份好工買層樓, 不過嗰陣經濟太差, 攪到乜鬼目標都冇曬, 有錢開飯就算啦. 之後讀master 時又有人生目標, 但讀完之後覺係覺得無慾無求, 可以死得眼閉. 而家做左人阿媽,我覺得自己唔死得, 我要去保護我個仔, 有咩事我都要出力撐起頭家, 而唔係捱騾仔咁捱.

我認為如果呢個 moment 你唔想生既話, 咁就唔好為左”唔想將來後悔” , 或者為左”養兒防老” 等藉口而生.
將來既事冇人知, 有人生左個仔出黎但個仔唔聽話就話後悔.

fatcatleo意見:
我其實都唔太想生小朋友，之前玩人地阿B就OK….
自問要生真係又怕麻煩又怕痛……
因為我想事業為重，加上經濟能力唔可以話非常之好…總之夠用又剩少少咁啦!

各方面都令我唔想生小朋友，老公亦無所謂，有咪有，無咪無囉…一直有避孕！ 加上4大長老都無話要抱孫，亦唔催唔問，令我更加唔想理生育問題！

直至有好幾次同朋友傾開計……又係關於生仔
傾既係其實點解唔生呢﹖我宜家都重叫後生丫
第時老左真係會後悔咩﹖個個長輩都話唔生會後悔﹖REALLY﹖
朋輩更細說遲生的原因及影響……長輩的不生的心情又如何…….
傾左幾次…自己心裡有個轉變架……..

雖然…我不擔保自己會很喜歡小朋友，自己亦係一個好嚴肅正經的人，應該係小朋友不喜歡的類型吧！但我宜家自己都有小寶寶了！
老公都好開心，自己眼見寶寶在2D時的照片，心情都幾難去形容！
人會變既……無話絕對！

aoisonic意見:
我係極之唔鍾意小朋友嗰種人, 喺街見到小朋友喊就想兜巴打死佢嗰種

不過非常之巧合地結婚後一q 就中左, 有左之後我嘗試下d古法整走佢, 結果係整極都唔走……似乎係上天注定要我要…加上我實在無其他合理理由唔要個b
(經濟, 住屋, 健康等都無問題)

個b又意外地發展得幾好, 老公又好想要, 於是就陀住…
陀到而家我仲未有心理準備去接受, 到而家我都係當自己肥左咋, 始終我都唔多喜歡小朋友……加上我好怕嘈, 我老公成日說好怕我第時頂唔到bb 喊會丟左個b 落街, 我自己都驚驚地……遲d就生啦…無辦法, 到時睇下點先

giyim意見:
我本身都係麻麻地喜歡小朋友, 見到同事d小朋友都未必有心機同佢玩個隻, 而且我仲好鍾意出街玩! 不過一路覺得一個家庭應該有小朋友先夠完整, 但係希望有咁遲得咁遲!

但係心態會隨住周圍環境改變, 朋友亦都係一個好主要既推動力, 當身邊一齊長大既朋友們開始有小朋友, 自然每次話題都離唔開湊仔女, 開頭真係無乜興趣, 慢慢而家反而好希望快d生返個~ 轉變過程真係好奇妙!