睇到新聞台灣有孕婦剪會陰時肛門爆左…有啲擔心

前兩日睇左個post…
台灣有個醫生幫孕婦剪會陰個時剪到肛門爆左…
好恐怖呀…令到我唔想順產添…但開刀又驚對bb 唔係咁好…
但老公話剪會陰係向上剪的…唔係向肛門個邊剪的…
到底係唔係架…?

123sillyboy123意見:
你老公係錯的。。。
會陰上面係最敏感既地方﹐點會剪嗰度。

剪會陰係向下剪,但唔會直下剪到去肛門。醫生一般係斜斜地剪架,唔會直下。
如果唔係必要的話。。。順產係比開刀好的。
何為必需呢﹖如胎位唔正﹐胎盤前置﹐Baby distress﹐ 等等。

一般無問題既孕婦﹐最好順產啦。

Kumiko意見:
一般都係斜下 or 打橫剪 (in 醫院 video) 都係方便bb 出世
台灣個 case 可能係bb 頭仔大, 頂爆左

acok意見:
我自己問過助產士…
佢話大多數第1胎既孕婦都係需要剪會陰,
而我都真係剪左, 係打鈄唻剪, 唔係打直剪…所以唔駛怕
但係唻緊第2胎,就未知喇~

不過呢, 有D人話感覺唔到剪左, 或肯定自己冇被剪…
係因為陣痛已經好痛…剪個下已經被陣痛蓋掩左…

!!龍捲風!!發問:
不過我想問下係咪一定要剪? 有冇可能唔駛剪?
因為聽d媽媽話生bb最痛係要剪同縫傷口嗰下,係咪架?
我仲有2個月多就生啦, 所以我好擔心呢d問題呀…

123sillyboy123意見:
第一胎﹐一般都唔夠位出個BB﹐ 我地會陰有彈性﹐但要出BB個頭﹐都好難。
有兩個選擇
1) 剪會陰
2) 自然迫爆會陰

剪就傷口可以控制到有幾大﹐埋口亦會埋得好D。 如果你唔鍾意剪既﹐醫生會由得你自然迫爆。 (政府醫院唔知會唔會俾你揀)
最痛相信係陣痛﹐唔係剪會陰呢﹐剪會陰時﹐10個孕婦有10個都唔會覺得痛。因為陣痛既痛已經cover up 左剪既痛。
有D好既醫院﹐聯針時會分麻醉會陰﹐但依樣野要視乎醫院而定。

第一胎而又唔使剪﹐又唔會爆既。。。應該比較少有了。

LKC2008意見:
第一胎九成九要剪, 除非 bb 頭好細
當陣痛到頂點時, 會陰變得最薄
不用打麻醉針, 向三點半至四點鐘方向剪約3 cm.
如果唔剪會迫爆會陰, 一來傷口參差不齊, 二來向下爆可能會撕裂肛門肌肉, 引致日後失禁
繨針時會先打麻醉, 應該不會太痛
各位準媽媽不用擔心

!!龍捲風!! 發問:
咁我想問下D藥力過左痛唔痛呢?
去廁所會痛嗎?
要唔要清潔個傷口?

我愛朱咪咪意見:
藥力過左都會痛架, 係傷口黎架嘛, 你cut到手指都會痛呀, 何況係嗰度咁敏感
不過都係頭幾日痛d 啫, 之後坐既時候小心d, 最好買個bb用水泡, 坐住無咁痛架! (醫院應該會提供坐墊, 可以唔洗帶)
去廁所都唔會痛, 因為都唔係cut 屙尿果度, 去大便都唔洗怕, 唔會痛架!
不過去完廁所一定要用清水沖, 之後要抺乾, 要保持乾淨, 咁就快好d咯

123sillyboy123意見:
藥力過左當然會痛。
有一種沖洗樽﹐俾產後媽媽用的。。

小便時﹐D尿會「嗱」到傷口﹐會痛。所以一小便,就先入D水入個樽。。。一邊小便一邊射水﹐沖稀D尿﹐就唔會痛了。
另一個方法係﹐用花灑。 一邊小便一邊用花灑沖洗下體﹐就唔會「嗱」了。

下體產後會痛架。仲可能幾痛下。 可以買個水泡坐﹐會舒服D。
康復時間人人唔同﹐年青既媽媽十幾廿歲果D﹐幾日就復原。 廿到尾三字果D﹐痛十幾廿日都唔出奇。

拆線方面。。。
依家用既線﹐一般都唔需要拆線了,會自然被皮膚吸收溶化。

好少人又唔剪﹐又唔爆。。。
所以都係預左自己要剪好過﹐到時唔需要咪當中獎。

Ines_B意見:
其實剪會陰真係唔驚, 因為陣痛遠遠大於剪會陰嘅痛, 有D媽咪甚至連剪咗會陰都唔知, 所以唔駛太擔心
至於話剪到肛門爆咗, 我諗真係萬分之一機會, 所以我地都唔好自己嚇自己

聯針就有D媽咪話好痛, 但有D就話冇乜特別感覺, 我就屬於後者, 可能因為我同姑娘再三強調要打麻醉針, 於是佢幫我打咗2支咁多, 所以我只係感覺到佢地做緊嘢, 但唔會覺得痛.

Facebook Comments
廣告