陣痛到底係點痛法? 可唔可以形容下?

我而家32 weeks 啦, 應該做定心理準備…到底陣痛係點痛架呢?好似俾人打? 似食錯野搞肚痛? 腸抽筋?係唔係痛到個腦一片空白?生嗰陣下面撐到咁大又痛唔痛?

迷你版意見:
我前日去產驗時都有問過醫生陣痛係點分,佢話個種痛係好難形容, 你陣痛時一定會知道,佢話有D人會痛腰側,有D係下腹,有D係整個肚,有D係後腰,如果痛既密度係15MINS–> 10MINS–> 5MINS…就要打俾醫生,同埋第一胎多數都係會見紅先

sugar1106意見:
陣痛好似m痛咁, 不過係痛好多倍,初初冇咁痛, 之後就真係會痛到你失控,開頭我都好忍得到架, 但之後大痛就痛到我大叫 (自己唔想叫都叫),再之後就好想屙, 但係姑娘唔比你屙嗰下先辛苦…到左屙得嘅時便你就會好爽, 嗰陣其實已經唔痛嫁喇 (連比人剪會陰都係唔痛的)出力屙, 屙左出黎會好舒服架!

思明意見:
初初好似平時M痛咁,之後越黎越痛,痛嗰時個肚會超硬,到後期真係會痛到失控,不過我好努力唔叫,盡量用呼吸法頂住。到生得時係一種好想去便便既感覺,但姑娘又未準備好唔俾你用力,嗰下仲辛苦過陣痛。基本上佢剪左會陰都唔知,到生左出黎就真係爽晒!

solomandy意見:
M痛一樣 , 不過會比M痛十倍!而且會隔幾分鐘痛一次 , 好有規律架

cccc01116679x發問:
我諗對我嚟講會係超勁痛…因為我本身冇m痛,想問下,會唔會真係有”便便”出咗嚟嫁?

8078意見:
陣痛嗰時好似肚痾咁, 好想痾屎, 但係又搵唔到廁所……要一直忍忍忍, 忍到搵到廁所為止 (即係姑娘話可以用大時)有 d 人話會痾埋 d 屎出來…不過我係陣痛時, 係廁所痾左屎, 所以我阿蟻b 無撈屎呀

Facebook Comments Box