BB兩個月, 係咪都可以帶佢出街行下呢?

tracy2408意見:
梗係可以喇 , 唔好去人太多既地方未得囉,我嗰陣bb滿月打左第一次針我就帶佢出街了, 日日喺屋企好悶架!

yoyosze意見:
我奶奶要我個仔1歲大先比佢出街…但其實同佢出街都好煩的,而且最好滿三個月先啦……

simsim321意見:
搞錯呀…yoyosze你奶奶…bb仔要出下街接觸下外界架, 如果等佢成歲先出街…好老實…到嗰時佢一出街就好易病! 因為唔習慣呀!再講我仔而家6個月, 前排咁啱無乜街去, 成個week都stay in home, 連街都無落過, 結果我仔咪又係病到入左醫院… 所以留喺屋企都未必一定唔會病…

G34Lam意見:
去空氣清新地方, 唔好帶佢出油尖旺角銅鑼灣

COROLLA2003意見:
我個囝囝滿月就有出街 (因有去健康院), 去時路上要穿過公園.不過, 二個月大就病左 (傷風),但由於bb細無咩抵抗力, 就好快變左支氣管炎, 搞到要吃藥同吃抗生素.現在怕帶佢出街, 怕會被人傳染感冒比佢, 因為bb病, 同埋餵藥, 係一件好心痛同埋要好有耐性的事.

immike意見:
我個女未滿月, 已經帶佢曬下太陽~bb剛出世頭幾個月, 身體內既抵抗力主要來自媽媽, 所以bb剛出世好少有發燒既情況出現 (除非有特別情況)直至來自媽媽既免疫力用完, bb自己既免疫系統開始運作, 當接觸外來既細菌, 間中會有發燒, 所以bb發燒係遲早既事.有d家長話小朋友開始上play group或bb班就開始病, 係因為小朋友係家裡照顧太好, 係學校接觸細菌機會多咗, 身體較遲適應, 好快就無事.

米奇女女意見:
我就唔會, 因為而家d空氣咁差, bb嘅器官發育又未完成, 出街會吸好多廢氣.我bb都係2個月, 我諗無必要就唔會帶佢行街, 直至bb大d, 空氣好d先帶佢出街!

saisai_saisai意見:
其實我覺得出街冇咩問題, 去公園行下, 曬下太陽都係好事,只要唔好去太多人既地方, 對bb都好d,有時太保護bb, 都唔係好事….

macvn123意見:
我個BB未滿月就出街, 主要都係屋企附近D商場/公園,我覺得初生時去行下公園好重要, 可以俾佢知道日與夜既分別,快D識分日夜.