聽人講生完會好難減?懷孕時肥, 生完ｂｂ更肥~我好驚我生完ｂｂ驚減唔到…你地有冇人真係減唔到?

迷你版意見:
我未生ＢＢ,但我見好多朋友餵人奶都落到磅, 回返去未生之前既磅數, 同埋個胸會靚Ｄ

blond意見:
Yes, 餵人奶都落到磅. While you are producing the milk, it burns your fat at the same time. it is good for baby and good for you. anyway, don’t think too much!

yukoyuko意見:
食人奶會瘦唔係100%,大約有兩成媽媽唔可以利用身體既脂肪做奶比bb,呢類媽咪一定要靠日常飲食所吸收既黎做奶, 所以…唔會無啦啦落磅,一定要靠做運動…但老實講, 湊b都湊都冇晒時間, 仲講咩做運動

仇師奶意見:
我生完好快自己減到喇, 因為自己揍住個女, 都唔駛做運動或者做d咩黎減…3至4個月就著得返未有bb之前d衫喇…跟住仲瘦過未有bb之前添!其實你唔駛擔心呢個問題…如果你生完係自己揍b既話, 好快會減到嫁喇!我之前都好似你咁擔心…我上一胎陀亞女重左40磅, 勁驚減唔到…一生完仲買左d減肥茶返黎…點知都唔駛點飲…自己都減到

小黃豆意見:
生完ＢＢ其實係容易減的，但必須減得快。我有朋友做健身教練，佢話所有媽咪生完ＢＢ後，身體會有一種特別既荷爾蒙，如果配合運動╱飲食，係可以減得靚過生之前的。坐月後的一兩個月內，必須非常努力地減。佢既意見係，生完ＢＢ既媽咪，做一Ｄ下身負荷無咁大既運動，例如游水同埋踩單車，但跑步就唔太適合了。

迷你版意見:
坐月時唔食鹽就會快落磅, 我D朋友叫我唔好食鹽,唔緊要啦, 你持續餵人奶再做運動啦!

nah711意見:
我開頭餵人奶都有瘦返架…回到落去有之前既磅(餵左2個禮拜),之後一唔餵就出事…升左4X磅!想餵返但又收左奶, 好慘…而家個仔都19個月大…都係一磅都減唔到…已經試過做運動&食少D都唔得…

123sillyboy123意見:
一唔餵就重返40幾磅﹖點解會咁﹐ 正常應該唔會。我諗你揾醫生驗血﹐ 驗一驗自己甲狀腺好一點﹐ 有時甲狀腺分泌出現問題﹐ 就會令一個人體重大上或者大落。做運動方面﹐ 要一星期做最少3次﹐每次做30分鐘以上帶氧運動。 意思即係會令你心跳加快既運動﹐如跑步﹐ 游水之類。我餵人奶﹐ 廿日瘦左30磅﹐ 淨返十磅﹐一直無減過。因為湊BB﹐比較困身﹐無時間做gym…又驚自己營養唔夠﹐所以咩都食一餐﹐ 慢慢就增加返10磅。到前兩個月開始時間多一點﹐又頂唔順自己體重﹐ 所以的起心肝做運動﹐ 一星期跑4日步﹐ 每次45-60分鐘。 依家減返晒﹐去返陀BB之前既磅數了。其實關鍵係時間﹐ 產後要湊BB﹐ 的確比較少時間打理自己。 當時間許可既﹐又識做運動 & 注意飲食既﹐要keep返都唔係無可能。不過﹐好老實講一句。 越年青﹐越易keep架。 18﹐22果D﹐郁兩郁都輕幾磅。 廿到尾三十出頭果D﹐ 新陳代謝慢過後生女好多﹐會難keep好多的。 所以減肥依d野﹐年青既媽媽的確遠比高齡媽媽易幾倍的。