住外地朋友不幸小產, 想寄啲野比佢調理身體, 可以寄咩?

我有一位朋友…剛懷孕, 但到8個weeks不幸流產…(唔知道咩原因, 佢轉述醫生話係”有D問題”, bb 停止生長… 之後需要做人工流產手術)呢件事對佢打擊都好大….我哋D朋友都唔敢打搞佢

因為呢位朋友喺外地, 所以我想寄D野比佢,我知道小產後調理同產後調理有相似之處, 但始終唔熟悉
請問各位媽咪, 有咩適合既我可以寄比佢呢?(仲要考慮寄野安全e.g.唔能夠有玻璃)佢喺嗰邊好少中國人野可以買到……


123sillyboy123意見:
早期流產﹐好常出現。 相信最主要既原因係個胎基因有問題﹐所以自然停止生長。依個情況唔關父母既事﹐人人都有機會發生。 而good news is 唔會影響將來既懷孕的。好多孕婦都有依個經驗﹐我自己同埋身邊好多朋友﹐都試過。

你朋友係邊個國家﹖叫朋友洗頭要中午洗﹐唔好晚上洗。 洗完要吹到全乾。如果朋友住係南半球﹐依家會係冬季﹐天氣比較凍既話﹐要小心唔會俾個頭吹到風。另外﹐要用D白背木耳﹐紅棗/南棗 煲水飲﹐可以清左子宮內既血。 你亦可以買D遠年陳皮﹐俾朋友煲水飲。其實藥材﹐人人體質唔同﹐唔可以一概而論。當朋友血流清後﹐就食多D蛋白質既食物﹐子宮一兩個月就會好返。


yurney補充:
我朋友住土耳其, 而且應該係佢同老公兩個人住,佢奶奶係土耳其人, 因為住喺第二個城市, 我唔清楚佢有冇去我朋友度照顧佢…可能都係得我朋友自己一個人

加上佢果邊買d中國野好難買,我知道薑對生完bb既媽媽好好, 要用薑水沖涼或者食薑飯,但even係薑, 佢地果邊都好難買到, 我朋友住果度要搭成個鐘頭車去, 而且賣得好貴,我諗緊係咪可以喺香港寄一d佢啱用既野比佢…但寄薑又好似好奇怪, 又怕會變壞,如果買d即沖既薑茶, 或者醃製過既薑可以嗎? 至少都可以衝下黎飲


123sillyboy123意見:
土耳其又的確冷門左D。但薑應該唔難揾﹐因為唔同國家都需要薑做唔同既食物。照計去supermarket應該有得買。薑主要係驅寒驅風﹐土耳其依家盛夏﹐唔會寒得去邊。你亦買一堆老年陳皮俾朋友﹐煲水飲﹐一樣可以驅風。另外﹐買幾樽Materna俾朋友﹐ 叫朋友keep住一日食一粒﹐對身體都有幫助的。

Facebook Comments Box