有左8W…今日再去照, 兩個B心跳都正常…醫生話係TWINS,但就要我要更加小心…因為多數孖胎懷孕風險都會高D…咁點算呀…會唔會有事架?

yukoyuko意見:
我唔知佢講邊樣風險,我只知多胞胎的話, 每個胎都係對方競爭對手, 會一齊搶養份…..可能會有其中一個特別弱, 甚至比另一個胎搞掂左……我大嫂第2胎本來都係孖女, 不過有次無啦啦流血……去睇醫生照超聲波……..得返1個,不過呢d野就好似中六合彩咁, 唔到你預計,陀bb, 開心d~ 就快做人媽媽, 唔好諗d自己唔會幫得上忙既野! 好好咁享受bb喺你肚內既日子啦!陀兩個要食多d野呀! 你個肚將會好大, 要有心理準備

小澤瑪麗亞意見:
食多D有營養既野! 其他野都唔擔心得咁多!最緊要做好產前檢查!

123sillyboy123意見:
唔使太擔心。 孖胎係比較容易有問題﹐一般會早一點出世﹐但只要你keep住做足產檢﹐就問題不大了。你依個情況﹐我諗自己多D揾私家婦產科醫生跟進﹐就得了。 唔好靠晒政府。

kary21追問:
其實我仲有幾個問題想問…因為我自己上網搵左D資料…話孖胎其實好多時都會出現畸胎或者佢地既健康係唔好架…其實係唔係真架? 如果係可以點預防?

123sillyboy123意見:
其實唔使太擔心依方面既問題﹐ 畸胎多數係基因本身既問題﹐ 每個孕婦都有機會﹐ 而且我地控制唔到﹐ 所以唔使理依一樣野。 做足產檢就OK了。健康方面﹐ 孖胎可能會比較弱。 原因大多係因為孖胎傾向早產。如果早產既話﹐ 而個胎又係多胎的﹐ 就會比較弱小。所以﹐ 陀孖胎既﹐ 需要既唔係擔心﹐ 而係小心。 但唔好過於擔心呢﹐ 你要做既係﹐ 注意自己飲食。 食多一點蛋白質既食物。蛋白質係好重要﹐ 人類每一個細胞都需要蛋白質製造﹐ 你兩個胎要成長﹐ 亦需要大量既蛋白質。 你每日食蛋白﹐ 飲兩三杯低脂奶﹐ 食多D雞胸肉﹐ 日日食下芝士面包﹐食下乳酪﹐ 對你&對胎都有益處的。你要記住記住食materna…對你尤其重要的。好多孖胎都可以full term先出世﹐ 就算陀唔到full term…都只係早兩三週﹐ 問題都唔大的。 另外﹐ 你陀BB期間如果發現自己有見紅﹐流啡既情況的話﹐ 就去醫院check check。

雪香美人意見:
唯有自已小心D囉, 孖胎BB會比平常的BB早出世, 有可能唔足月就要出世,到時你要預定自已會湊得更吃力.