政府檢查係咪冇葉酸比架?

政府檢查係咪冇葉酸比架?除左葉酸之外,仲有冇其他藥要食? 邊度有得買葉酸?


小黃豆意見:
無架, 除非你係驗到有事, 佢先會開葉酸俾你,無特別牌子, 黃色一粒粒果D就係啦, 我自己就食materna, 係多種維他命, 好多媽咪都食緊, 裡面有葉酸同埋其他孕婦所需既營養, 約1xx-2xx一樽, 可以食3個月左右, 藥房或者屈銀紙嗰D都有得賣


macvn123意見:
政府唔俾架, 私家就會俾, 但計返你藥費囉,我自己去藥房買咋, 同佢講大肚婆食果D淨葉酸就得,我屋企附近果間藥房賣$0.5一粒, 我買左100粒…點知後尾醫生話我有地中海貧血隱性基因, 最好食葉酸食到生為止, 所以又買多左黎食……一日食一粒就夠架啦!materna好多媽媽食, 但有D人話食左之後痾唔到, 我諗反應因人異議


我係一個女人意見:
我都係有隱性地貧呀, 但我上一胎私家醫生都係開藥俾我食到4個月就唔駛食, 政府就話無得俾; 但今次第二胎政府好主動開咗3個月俾我, 仲叫我食完出聲再開, 可能就算一樣係政府, 但唔同健康院/醫院都有唔同做法!


shilingfa意見:
其實葉酸喺計劃懷孕時最好食定, 食到有左三個月左右就唔駛食都得……不過如果本身媽媽身體有小小問題既, 好似我及以上幾位媽媽咁, 都係有隱性地貧…醫生通常都會建議食到生bb為止!我嗰時係食m字頭嗰隻孕婦維他命+葉酸, 到左後期就再食埋鈣片, 一路到生都仲食緊! (因為我有左之後成日流牙血,,所以先要食鈣片)


sheung1126意見:
我嗰時去私家照超聲波個醫生問我要唔要葉酸,我話要,佢好似冇計我錢架,仲開d維他命俾我添,不過嗰時我都成4個幾月,睇書好似話太遲食葉酸都冇用,話頭3個月食對個胎唔知腦部定咩生長好d,不過我都有照食埋佢,而鈣片我就買小童食嗰d,每日食2次每次2粒,一來可以當糖咬冇咁苦 (我最憎食藥架),二來醫生話食成人鈣片會好難便便架,我食左3日即刻屙唔出(平時日日都有),跟住即刻停左食返小童既,雖然可能冇大人既鈣片咁好,不過對唔鐘意食藥既我黎講總好過冇食(成人既好大粒架),我生完到而家都冇流牙血同牙痛過

Facebook Comments
廣告