請問bb係咪一定要識爬之後識行會好啲?

我仔仔7個月, 佢已經識得自己坐, 仔仔而家唔駛人扶都ok…但係佢冇學爬既? 仔仔3個月既時候,自己學轉身, 只係爬係床同轉身玩, 咁又好唔好呢?而家我同老公間中都有扶下佢, 就識行幾步, 企就比較多啲…尋日撞到個媽媽朋友, 佢同我講bb應該係識爬再行先係最好…因為佢話手腳同腦都係一致喎, 可以練下啲手腳力…咁其實係點?

winmay意見:
識爬係對個腦發展好d…因為係爬既階段可以刺激到個腦去探知每樣野…但爬唔爬係冇得逼既…所以隨佢想唔想爬啦~ 好多b都直接行架~.後天培育都好緊要架

123sillyboy123意見:
唔駛擔心﹐有些BB係唔爬﹐直接企﹐行。skip左爬行係無問題的﹐ 個腦既發育速度同五官四肢等等都係唔同時間﹐ 所以唔存在唔識爬就無咁好既問題既。我家奀b都唔識爬﹐ 一黎就企﹐ 行。

vcnic意見:
爬多D對手腳協調好D囉…

gc71意見:
根據健腦操的說法,爬行動作係提升左右腦溝通的方法,如果左右腦都有足夠運動同溝通,將來就會少D學習障礙、手眼協調唔到等問題,所以佢地係主張BB爬多D,大人平日經常做左手右腳/右手左腳的交換動作都係好的!信唔信就睇你了!

wkvictor意見:
照理論果套, 爬行係大肌肉, 身體, 手眼等等的協調訓練, 爬下係對腦部發育有益,不過, 臨床上又真係唔係個個bb都會爬, 而唔會爬就行的, 又冇research (或者我未睇到) 證明係比人差的, 放心!小弟聽返媽媽講, 我都係一行就行, 冇經過爬的階段, 咪又係正常人一個!

Facebook Comments