穿羊水後應該call白車定自己搭的士去醫院?

我而家已經34週, 第一胎係開刀, 係6年前的事了,今次有機會順產, 但我沒有選擇就近的醫院, 而選擇了最快都要半個鐘才到的醫院 (搭電梯+找的士+車程), 因為那醫院的信譽良好!我想知道如果穿了羊水, 我應該CALL 救護車到就近的醫院, 還是自己搭的士去半個鐘才到的醫院呢?因為我怕 BB 焗住喺裡面呀! 我阿媽成日都話穿水就CALL白車, 如果唔係就焗住亞B喇! 之前我問過好多醫生(私家和公立), 但佢地都係同一句:「緊係最快去醫院啦!」之後就無再講其他野, 所以我就無再問了!

kellyly1211意見:
我會搭的士,因我之前都係搭的士去,我覺得你唔係痛到行唔到既, 搭的士會好D,白車留返比D更有需要既人好D.而且白車只會送你去就近既醫院 (係某D情況至會送你去想要既醫院)

shilingfa意見:
對! 我嗰時穿水都係搭的士, 仲要係半夜!加上第一胎穿水後都唔會咁快生…我穿水穿左5個鐘, 但一D痛都冇… 之後要落藥先識痛, 大痛左個幾鐘先生左仔仔

詠春小子意見:
今日我去聽講座, 話你第一胎係開刀, 今次第一次順產,要等子宫收縮, 要開晒10度約要好似12-18個鐘, 第二胎就要2-6個鐘,所以你有時間可以安排去到醫院,叫白車會先去急症室唔係去產房, 所以唔係流到行唔到, 就最好唔好叫白車去

詠春小子補充:
公立醫院會有講座架, 叫”分娩的認識” 可以去參加,我都係今日去聽, 因為係第一胎咩都唔識

yukoyuko意見:
穿水係唔會焗到BB, BB係靠條臍帶供氧,陣痛好耐都生唔出先會可能焗到BB,因為每次陣痛黎到, 子宮收縮 ,臍帶都會停止供氧一陣,不過正常黎講, BB唔係弱雞既一般都可以頂好耐

cecito628意見:
穿水唔駛叫白車…其實穿左水最好立刻去醫院…因為無左羊水保護, 細菌好易走入去, 同埋去度醫院佢都要你瞓床唔俾落床…我就係穿水+見紅, 穿左水24小時都唔痛, 要打催生水催生…

carriekw意見:
我生兩胎都係穿水嘅….而且兩胎都係自己坐的士去醫院…我自己就由穿水至生得都要5個鐘…所以應該冇咁容易焗到bb 掛….只要到時盡量動作快d, 半個鐘車程都好快啫…

Facebook Comments