我個b過左期10日都未肯出來, 聽日就要去pwh催生啦…唉, 我好想bb順其自然咁出來, 但而家搞到要催生…有無媽咪試過催生? 可唔可以分享下係點?

cecito628意見:
催生都係自然生產架, 不過會痛好多……我bb就係穿左水之後都唔出黎要催生…我就好好彩，11點落藥，12點開始痛，1點開始大痛，2點就出左世,唔駛驚啦! 都就黎做媽咪啦，加油!

yukoyuko意見:
催生冇乜野架, d藥用黎加快你個產程而已,我自然作動, 入到院開左兩度, 穿左水之後姑娘話我d陣痛唔夠靚同密都同我落催生藥, 落左藥冇耐就痛得密左同更規律

SSPHHP意見:
我都係催生架, 唔駛擔心, BB遲左4日都未肯出黎,下午覆完診, 醫生問我今晚催生好唔好? 我話好,不過可唔可以晏D先, 未有心理準備! 佢後來叫我7PM入院, 9點塞藥, 一D反應都冇, 點知3AM穿水,5AM開始覺得痛, 到9AM 出左世, 係第一胎!

fish08312追問:
你係私家生? 想問下塞藥係咪要塞係下邊? 係咪會好痛? 仲要唔要打針?

SSPHHP意見:
我係瑪X烈生架! 塞藥唔痛架, 冇打針!

abbychuchu意見:
我都係催生，真係唔係好痛，都係自然架，你唔駛咁擔心,我阿女而家十個月大，無因為催生而有問題，放鬆d…忍唔忍得其實睇你自己,我催生嗰時，只係諗住我好快就見到阿女，咁咪無咁痛囉!

玲兒～＊意見:
催生同自然生係差不多, 催生只係用藥幫助你有陣痛,我個陣都係摧生, 12點落藥, 1點幾鐘開始痛, 差不多6點就生左, 生完就鬆哂~