覺得人生好辛苦唔快樂…其實係唔係應該生BB呢?

我哋兩個都好鍾意小朋友, 我哋仲諗住生兩個…但係一諗到依家呢個社會 & 教育…仲有依家有咁多病,連自己都覺得自己嘅人生其實好辛苦 & 唔快樂,其實係唔係應該生呢? (好驚生左出黎好似害左佢地咁)

生嘅理由 : 1) 因為我地大人鍾意 2) 因為要傳宗接代
唔生嘅理由 : 多的是……

好想生, 但有好多理由驚左生…點好?

SandyGee意見:
冇得驚架喎, 兒孫自有兒孫福! 唔需要咁擔心既,最重要係自己自問做好左自己咪ok囉

katkatbeauty意見:
我覺得我好快樂, 因為我有老公同一個仔仔, 其實做人知足就會常樂架啦…..其實我同老公想要BB之前無諗咁多野架喎 ,只係諗自己要REDAY心情同心態去迎接BB既來臨…..不如唔好諗太多啦, 愈諗就愈煩…..

suki0703意見:
會生bb既原因都系想同老公生個愛情結晶品..

in-nie補充:
愛情結晶品…咁咪又係因為大人自己自私嘅諗法囉!雖然我都好想生, 但係我覺得我嘅人生唔快樂…辛辛苦苦讀書, 長大之後又要努力搵錢, 想生活過得好 d,每個人都係不停咁辛苦努力, 但係有邊個人覺得咁係開心?我一d 都唔覺得快樂(可能我諗得太偏激), 所以我唔想將來 d 仔女都會咁諗

chakng意見:
看看什麼層面,
個人層面 : 聽到骨肉一聲 ” 爸爸 i love you ” 我已經覺得我的人生好快樂
社會層面 : 如果個個都怕唔生的話, 過多幾十年我哋變左老人家邊個養我哋?

Picky意見:
其實喜樂全在主觀的心,不在客觀的事,你個人咁悲,就算有好野都比你諗到唔好啦,你都係攪掂自己先生bb啦

123sillyboy123意見:
將來個世界係點﹐無人知。 唔需要去擔心將來社會變成點﹐因為擔心都無用。我深信一個道理﹐就係「無一個BB天生就係曳蛋」。每一個孩子﹐都係一張白紙。 將來依張紙會變成點﹐我深信係父母如何教導。所以需要學習既唔係孩子﹐而係家長 。家長應好好學習「子女教育」既真理。

碧玉媽媽意見:
快樂, 其實人要快樂好容易, 在於你一念之間,我想讓BB出來看看感受一下這個世界快樂嗎? 應該由他來決定, 唔係我決定, 但係我會比佢一個機會,突然想起好耐以前有個防止自殺的廣告,「媽媽我可唔可以食雪糕?媽媽我可唔可以睇電視?媽媽我可唔可以唔死呀?」有好多事其實唔係應該由我地大人去決定, 小朋友大左佢自己會找到自己的方向。 如果媽媽都覺得人生係快樂, 咁BB出世之後我相信會更易找到快樂!

Facebook Comments
廣告