想問下如果只係懷孕幾日, 有冇懷孕特徵?定係要過了一個月先有? 如有, 又係點既呢?

小黃豆意見:
懷孕幾日only, 我諗無乜人會知道自己有左呀?最準確又最明顯既特徵咪係唔黎m咯! 但會有谷m既感覺 (肚有少少痛, 胸漲),通常發現時都係唔黎m之後幾日至幾星期不等, 睇你平時m準唔準!我初初有左時, 真係好攰, 不停咁瞓, 有時係office不自覺會瞓左添!我到左8-9 weeks左右先開始嘔/ 反胃,個肚唔會咁快大架, 我四個月先開始個肚大!有左體溫會高D, 不過我早期係沾寒沾凍咁!

solomandy意見:
我有左6 weeks都唔知, 食得, 瞓得, 不過一到10 weeks就大滯, 胃到咩咁!好彩只係嘔左一個月鬆d,不過我唔係特別累囉, 仲要行得好快架, 6個月都仲快步咁追巴士

abbychuchu意見:
我有一樣好特別嘅特徵, 未知有左之前個身(胸部附近)成日都好痕,之後講開，原來我有個朋友都係咁….

高橋家意見:
如果你留心小小會好易發覺, 就算係正常飲水量, 去洗手間次數會密左

catalunya意見:
懷孕幾日真係好難有特徵喎…嗰幾日只係受精卵著床, 賀爾蒙改變等等內在變化,之後係m 痛咁, 我嗰陣時個肚腩突然大左好多, 鬆泡泡咁,之前我冇肚腩, 仲會見到肋骨 (我磅數唔輕, 不過肥響手腳度)

pigskin1121hk意見:
我發覺自己好耐未黎M, 而且突然間好大食, 好想瞓覺 (我一向都唔鍾意瞓覺), 乳房痛, 跟住上網睇下懷孕有咩特徵, 先發覺自己同懷孕特徵好似, 之後就同老公去診所驗, 結果真係中左獎!

Dsee意見:
我應該係十九號 m 到，但到廿四號仲未到，於是用曼仔驗，中左，到廿五號到普通西醫驗，咩都冇，最後忍唔住再買曼仔驗晨尿，都係中左，於是我忍多日去家計會驗，今次終於有小小紅線，但好淺，所以只好等多一個星期再驗，但已經有眼瞓，肚餓等…網上的人話曼仔準d, 所以買嚟check, 但又真係得佢check 到, 醫生用的就check 唔到, 但我問左醫生朋友, 佢都話用晨尿 check 到有就有, 好少錯