懷孕係唔係要剪短頭髮呢?

懷孕係唔係要剪短頭髮呢?

solomandy意見:
其實唔一定要剪既, 只係為方便d打理, 生完之後吹頭髮都唔駛吹咁耐…d人話剪短d頭髮, 咁就唔會搶哂bb既營養……我就覺得幾好笑, d 頭髮剪唔剪都會每日咁生長啦,而且外國孕婦都唔會剪頭髮架, 但你睇佢地d bb幾大隻就知啦。

樂靈連線意見:
唔一定, 只係大肚做好多野都唔方便, 所以先有人建議咁做,不過我而家都26weeks喇, d頭髮一直都係到patpat咁長, 我冇諗過要cut啊, 其實只要你唔怕煩日日洗咁長頭髮, 又有咩所謂。

yukoyuko意見:
剪短方便打理, 大大個肚洗頭會好煩,同埋睇你陀bb最辛苦嗰段時間係咪夏天啦,大肚婆比平常人熱…長頭髮撞正大熱天就熱上加熱, 會有熟左既感覺!都係一句……好睇個人, 只要你覺得冇問題就留,有問題就剪!

samsam789意見:
剪短頭髮係因為你生完之後唔可以洗頭啫,不過依家仲有幾多人會一個月唔洗頭呀!

九九九金發問:
因為唔捨得把長頭髮(留左好長時間),如果依家有, 出年 5or6 月生, 要夏天坐月, 可唔可以日日洗頭呢?長頭髮我怕到時好難打理喔!

BB001155意見:
我生第一胎都係夏天坐月, 我那時長頭髮, 我係日日洗頭架, 洗少一日, 我都覺污穢, 因為真係日日出好多汗….總之用薑水+洗完即刻吹返乾。

siuyuk意見:
我準備有 bb, 近排將頭髮剪短左, 不過我發覺剪短左 d 頭髮仲熱, 因為個長度遮住條頸, 搞到條頸好熱, 反而如果頭髮長d, 紮住仲涼爽,所以我諗住留長唔再剪啦, 就算第時有左 bb 都 keep 住長頭髮, 紮起佢湊 bb 都方便 d, 同埋我成日睇人地生完仔d相個樣好殘, d 頭髮又剪到好短好ugly咁, 都係留返長做靚媽好d!

Facebook Comments
廣告