21日BB起粒粒,轉飲豆奶粉有幫助?

BB而家21日人仔, 17日嗰陣開始出粒粒, 本身都覺得無乜野, 大部份小朋友都會出….
但最近呢幾日痾d屎好水, 仲要一痾痾勁大篤, 雖然都係黃色, 但覺得好似有少少肚痾咁….
我係兩餐人奶, 其餘補奶粉, 而家唔知係咪對牛奶敏感呢?
聽講轉飲豆奶會好d, 有無媽媽試緊?

anonimity意見:
飲唔飲豆奶,應該問醫生。
豆奶缺乏牛奶和人奶嘅營養,冇必要唔好飲。

小寶貝兒意見:
你BB的屎有冇一陣臭雞蛋味? 如有, 應該係中咗沙門氏菌~

另外, 轉奶粉我建議都係問醫生~
仲要一定要搵兒科!

之前我女中左沙門氏菌, 係咁痾, 當時夜晚, 平日睇開的兒科冇開, 於是去左普通科度睇, 呢位醫生話係腸胃炎, 比左D止痾同唔知咩藥, 又叫我地轉豆奶粉比阿女飲~

點知阿女飲完之後, 由1,2個鐘痾1次, 變成1個鐘痾4次! 我地嚇到立即停左唔飲豆奶, 第二朝一早就帶佢去睇返平日嘅兒科, 佢就開左D好似益力多嘅粉比我哋, 然後叫我哋轉飲另一隻奶粉, 話我女可能對豆奶敏感, 所以先會轉咗仲痾得勁咗!

幸好飲左醫生推介的奶粉之後, 就冇痾得咁勁啦, 幾日後都好返曬了~

sayakaka補充:
因為醫生話呢隻便便算係正常, 同埋話面仔d粒粒唔痕唔痛就唔需要特別理喎, 所以無建議我轉奶粉呀….
其實我只係怕佢對牛奶敏感啫, 唔知佢面仔d粒粒幾時先好返

9991399意見:
我個仔都係對牛奶敏感,可以轉低敏奶粉,選擇有很多:
雀巢能X
S26HA
牛欄X的百佳力
這些都是牛乳配方的低敏奶粉

我個醫生話BB面上的粒粒(即濕疹)形成有可因天氣變化、可能因環境敏感、或食物(奶奶)
佢建議我先轉奶粉,因大部份敏感BB都是對牛奶敏感,
我亦問佢要不要轉豆奶?
佢話先轉低敏奶粉,最後才轉豆奶,即醫生對豆奶有保留!
我問佢邊隻低敏奶粉轉好,佢話百佳X,
但百佳X只有很少數藥房有售,
幸好我家附近有一間有售,
約$90一罐400G,只有細罐
但除起上來和普通奶粉價錢差不多,
而且比起大牌子奶粉易買,我次次去買2-4罐都無問題,
好過之前BB飲大牌子奶粉限買1罐又成日無貨!

Facebook Comments
廣告