懷孕初期是否不可以食豆腐花, 芝麻, 華田?

請教有經驗的媽咪, 早期是否不可以食/飲豆腐花, 芝麻, 華田? 我奶奶叫我唔好食, 佢話第時個B會吐奶, 咩唔係多數會吐咩? 只係吐得多定少, 所以先至要幫佢掃風…仲有, 芝麻我聽過係後期先可以食, 但豆腐花早期不可以食的話, 豈不是代表要同豆腐, 豆漿, 維他奶, 麥精SAY GOODBYE?

至於華田, 有無人可以話我知, 我仲成日都飲 , 因為唔咁飲檸茶 / 奶茶/ 咖啡, 茶餐廳我只可以飲華田, 檸水, 鮮奶, 但我知自己好麻煩, 我唔可以每日飲同一樣野, 我要有新意…仲有最攪笑是健康院畀左咗本食物指南我, 話每日除了飲水, 也可以飲其他流質代替水, 其中一樣就是豆漿了!

zovin意見:
其實我都唔係好知架, 而家我有左8個月, 聽人講因為豆漿係比較涼, 而朱古力好似有咖啡因, 所以我有左頭幾個月都無食, 去餐廳都係飲檸水, 好立克, 柚子蜜, 連華田都無飲, 朝朝早就飲脫脂奶(低脂都可以), 不過我都知有d人話如果飲唔到就飲豆漿(但有人又話涼), 所以安全起見, 如果飲到奶就唔好飲豆漿住囉, 不過我間唔中都會飲埋鈣思寶, 而芝麻就話因為滑腸, 所以話開頭唔好食住, 到後期約7個月先食, 希望幫到你啦!

kellyly1211意見:
就咁個個人體質都唔同既,以前有人睇咗醫生, 醫生就會同佢講佢唔食得呢D食物,咁一個傳一個就有好多好多食物都話唔食得喇,我生咗2個, 2個我都只係無食牛肉(係因我對牛肉敏感),而且我無食蛇, 田雞呢D, 因好多菌, 仲有生嘅食物,而其他食物, 飲品, 我係無戒口既 (人哋講唔食得嘅我都有食)其實只要唔食過量同你本身有敏感既, 就無問題.大仔細仔佢地都無敏感無濕疹
而嘔奶… 個個B都會嘔啦, 唔會話唔食某D野飲某D野個BB就唔會嘔,因BB初生, 佢個胃仔仲未好成熟, 而且胃淺等等等,都會令到BB易嘔奶既.

xelion意見:
之前同個醫生朋友傾開戒口問題,佢咪話,南美洲啲人日日咖啡,人口咪都係咁多又唔見有事,飲食方面其實只要一般正常健康飲食,唔好食病自己(例如煎炸熱氣之類)就ok,同埋唔識就儘量唔好食有中藥成份嘅野,其他唔駛特登戒

kaman710意見:
我都是第一胎.我只係唔食芒果, 菠蘿, 榴槤, 因為呢d濕熱.仲有就係豆腐花, 豆漿, 西米露, 因為涼!同埋咖啡, 可樂, 茶因為有咖啡因。

其餘海鮮, 魚生, 凍野, 朱古力, 羊肉, 鱔, 鰻魚我全部都有食。我奶奶都媽咪都叫我不用戒口, 最重要就係均衡飲食, 唔好過量食就可以。雖然我bb未出世, 但我深信佢一定身體健康的。

aliceming2011意見:
最有益當然係飲高鈣脫脂奶啦…不過我都好明白, 有時都想換下口味,豆漿可以飲, 不過每日唔可以多過一杯 (250ml),華田/朱古力奶 可以飲, 不過少d飲啦…因為糖份好勁,豆腐花 (如果你食, 最好食熱), 不過都係甜品, 少食少食,芝麻 ? 你係唔係想講 芝麻糊呢? 可以食, 都係嗰句, 太甜唔好食咁多囉, 我自己就一個月食一兩次囉.

有d咩一定唔食得, 就係 軟芝士, 雪糕, 生的食物, 雪製過的食物 (e.g. cheese cake, 因為好多時都係用生蛋做成) 呢d食物比較容易有菌 (李斯特菌), 大肚婆食咗好易做成流產

tsuichiling意見:
我自己會找資料知道有d 咩唔食得,所以我好憎身邊人唔比我食咩食咩,好彩一齊住嘅奶奶唔係咁,一齊食飯嘅同事都唔係咁,但有時同朋友食飯時佢哋唔畀我食某d野時,我會好鄭重咁講我自己知道有咩唔食得,唔好咁。佢地又冇大過肚,知d唔知d咁指導我做左幾個月research的人咩唔食得我真係好忟。

所以你上網search下孕婦飲食呢d keyword,知道埋點解唔食得,係迷信定科學解釋到,就可以教返你奶奶同屋企人,唔係成日比人指指點點,呢樣話唔得,個樣話唔得,真係會產前抑鬱。Btw, 我頭3個月冇飲豆漿,之後成日飲,因為我唔飲奶。芝麻我成日食,三個月後照食芝麻糊。我地中國人煮菜有落薑,驚有d菜涼唔敢食真係non sense. 邊有咁易流產,真係既話都係bb自己有事,唔關食左幾條菜、幾舊豆腐事掛。

Toro-Kuro意見:
華田本身都無益, 我覺得不如直頭順便戒左佢啦.至於豆腐花, 豆漿, 其實都無乜野既(在西方營養學角度), 但要留意呢2樣野好多時間都會加左糖, 所以未必咁好,要飲豆漿(in case你飲唔到奶), 就要買高鈣低糖,豆腐花因為好多石膏粉, 中醫會話涼, 建議你都係唔好食嘞初期
至於芝麻, 其實都有鈣質架, 食d啦, 不過芝麻糊就滑腸(中醫角度), 你如果因為preg而便秘, 都可以食下, 嗱~ 不過老人家一陣又哦你話食左對bb唔好, 因為佢地覺得會滑走埋亞b.有時d野, 聽落去係好荒謬, 但有一個fact就係, 你唔做 touchwood有事都無計.但如果你唔聽講, 做左, touchwood有咩事, 老人家(esp.奶奶)實賴你.係好煩, 不過無計

Facebook Comments Box