老婆話要買disney美語世界, 大拿拿成五萬, 救命呀!

昨晚老婆聽完個sales介紹套disney美語世界, 就話對個仔(1歲大)好, 可以打好d基礎, 話一定要買, 大拿拿成五萬, 我死啦!

 

andyli7271意見:
我個仔七個月時, 我老婆就買了, 其實您買唔買係主要睇您個人有無時間去教個b, 如果您英文好, 又有時間去教您個b, 真係無須去買; 但如果好似我兩公婆要返工, 平時阿b只靠傭人或老人家照顧, Disney真係可以係作一個guildline, 我阿b聽了半年, 看了半年, 真係有d用, 如果經濟真係有問題, 可考慮分期. 份教材可用5至10年, 不用太擔心. (純粹個人意見)

siusiu99999意見:
其實真係冇咩野必要買呢d 野比bb…

你平時同佢出街, 教佢多d 野…係屋企又講下story…好過睇呢d 野啦…

幾萬元, 留返第時比佢讀書 or其他野好過啦

johnnyrotten意見:
我買的時候大概HK$15,000, 錄影帶版, 大仔有用, 總算有幫助, 細仔則好少用. 不過受到哥哥的影響, 齊齊睇Cartoon Network, Nickelodeon, 兩兄弟都學曉不少American Slang, 講得不錯.

而家要HK$50,000, 感到好肉痛. 不如叫你老婆裝返個收費電視, 某電視都係約HK$70, 包好幾個卡通台 (並非賣廣告).

garbun0629意見:
Disney套野…

1) 如果買得起 – 一定是有幫助的.
2) 如果無多餘錢, 又無需要為呢套野死供爛供.
3) 如果你買咗, 無時間同佢一齊睇 = 廢
4) 如果你靠工人, 效果一定無咁好 (因為工人都係求期..唔會跟你個套)..
Jo3意見:
我有收到張宣傳光碟, 我11個月嘅 B女睇咗後, 手指會跟著兩個小朋友打beat. 我初時都唔知佢邊度學來, 後來醒起張光碟裡面兩個小朋友唱咁 I have two hands 時候有做呢個動作. 每當睇到呢個畫面, 佢都會跟住做…

我冇買, 但我覺得如果你經濟負擔到, 買俾小朋友都無所謂, 可能真係有幫助

chowwthk意見:
師兄, 其實買呢d黎做咩, 買咗畀bb自己睇, 佢就會叻d架咩…
你一定要陪佢睇, 解釋佢聽…佢先至會吸收架嘛….如果自己出去買d幼兒教材(FlashCards)或者書籍, 每晚都教佢, 效果咪一樣可以!

其實作為父母係要教導個細路仔明白事理, 有自己既分析能力, 而唔係只係單方面增加英語既能力囉,
難道識講英語嘅人就一定會叻d? 就唔會學壞咩? 將來一定會成功架咩? 唔通個個識講英文既就唔會係壞人? 唔會去犯罪?

自己畀時間同埋心機去教個細路, 才是最主要, 而disney呢d只係一d工具, 要唔要花到五萬去做呢樣野自己諗…你都要俾你另一半明白呢個道理…依家只係一個開始咋, 遲下仲有大把呢d花費等緊你!

tracy2408意見:
市門有好多同類型產品, 可以先買D類似既但又冇咁貴既比你BB試下先, WORK先考盧買唔買5萬嗰SET囉…..

其實5萬蚊可以讀好多課程 / 活動更實用, 小朋友除左知識, 四肢身體發展都好緊要, 細細個其實應該要走動多D, 等佢手腳協調發展好D…

MissTMCLAW意見:
買唔買教材主要按自己經濟能力決定,
不過最重要係買咗要比心機同時間落去教小朋友,
如果自問無時間╱唔係好瞭解內容,
就建議唔一定要花費咁大筆金錢黎買咁昂貴嘅教材,因為咁做會有D浪費!
其實好多家長經濟能力唔太好,
但係小朋友都可以透過練習同活動學好英語,
價格相宜嘅教材,如果用得其所,對小朋友都一樣好有益。
好多家長往往都買一大堆教材練習返屋企,
最後都係白白買左用黎「放」。
小朋友學習語言,最需要既係成人耐心嘅指導,
與其擔心教材價錢同成效不符,
不如先瞭解小朋友係咪真係有需要,
同考慮一下自己有無時間輔導小朋友學習。

kappas意見:
雖然我覺得睇太多dvd唔好,但我唔會覺得5萬蚊太貴。

有D朋友係到講5萬蚊可以返好多堂PLAYGROUP,又可以去旅行,甚至話可以搵鬼佬教。

但人地套碟已經幫你計劃好,學幾年野。當你5年計,每年1萬,每個月8百幾,都唔夠你返一個星期一堂PLAYGROUP。

樓主如果咁都覺得貴,我可以好肯定你未來18年乜都會好超貴、勁貴、好X貴。

你買套教材返去教仔… 係長遠為個仔好的。

問題不在於5萬蚊。如果學得好,將來個仔叻,再貴都俾。學唔到的,1蚊都唔會俾。

既然有心幫個仔搵個方法教佢,不如同老婆講睇多幾間,瞭解多D。市面上的教材公司,唔單只係DISNEY/WORLD FAMILY一家

Facebook Comments