shilingfa意見:
我嗰時一CHECK到有左就講喇, 若果你話怕BB小器既, 你可以同你上司講, 麻煩佢唔好同其他人講住先架嘛! 如果唔講既話, 同事又唔知你有左, 到時有D咩事, 就唔係咁好呀!

happyqq意見:
去左睇醫生有埋證明書即講….
頭3個月係好緊要架…….
等d 同事有咩都可以 take care 下你….

krin意見:
有咗即講呀, 不過只限直屬上司同HR , 方便佢地安排, 同埋有咩事都有人知你發生咩事
最多叫佢地唔好講俾其他同事知住
我0個陣陀到5個幾月都唔係好見肚, 公司大部份同事都唔知我有咗, 直到有人提議夾錢送禮物俾bb 時先知我有咗

Hide19871005意見:
即講好d, 起碼對你有保障先, 一黎唔洗怕有咩事比人炒, 二黎公司會因應你既case安排打後既工作~
所以早講早著, 呢個moment仲理乜鬼野怕bb小氣!

sukianata意見:
有d 公司知你有左, 但你又未officially 通知佢
佢會借d 以用第二個理由炒你早d 講, 公司就唔炒得你

Kumiko意見:
有醫生證明就即刻copy 交比公司.
早d 交, 先會對你有保障
而且你可以同上司講, 叫佢唔好講比其他人知.

lizlee812意見:
我係做HR既, 我建議你拎到醫生證明書後, 盡快通知上司同HR, 對你黎講會好D~

我都明白有機會有D同事會用一D唔太好既態度去對待其他人懷孕既事, 同埋傳統上太早講會令寶寶小氣~ 不過最重要係懷孕初期, 胎兒情況未算穩定, 無論任何時候, 身為媽媽要加倍小心, 所以你係有責任即時通知僱主, 同你作出適當工作安排, 避免影響你同寶寶既情況。

我公司曾經有員工未有即時向主管申報懷孕而如常工作, 有一日開始作小產, 最終流產, 所以為左寶寶, 同主管講&俾主管同你儘早安排較安全既工作, 先至對你地好既做。

如果你無即時向僱主申請你已懷孕, 而期間你在工作時產生懷孕不適, 甚至流產, 有可能因為無即時申報, 而未能享有完整/全部既索償。勞工法例清楚說明一旦知悉僱員懷孕, 僱主不可以解僱僱員, 但同時亦間接地說明, 僱員有責任盡快向僱主說明其身體狀況, 以獲得適當既工作安排。

Facebook Comments Box