想煲白蓮鬚，但唔知點整……可唔可以教下我呢?

katherinecmy意見:
希望幫到你 :
白蓮鬚糖水 (助產及有助清胎毒)
飲用時間: 臨盆前一個月至十五天前飲用。
白蓮鬚屬平性的食物, 無論涼、熱底的人都適合食用。一星期可飲用1至2次。如要清胎毒之效, 孕婦則在懷孕後六個月飲用此糖水才具清胎毒之效, 將近臨盆時飲用效果不大。

功效:
1) 固澀
白蓮鬚乃蓮花的花蕊, 性平味甘, 有固澀(即止血)、補腎、消熱毒之效, 而雞蛋則有蛋白質, 此糖水確有助防止生產時大量流血的作用。

2) 補腎
由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。

3) 解胎毒
所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡、奶癬等皮膚病。孕婦在懷孕後六個月飲用此糖水才具清胎毒之效, 將近臨盆時飲用效果不大。

材料:
白蓮鬚…………..3元
雞蛋……………..2隻
冰糖………………適量
水………………..6至7碗

製法:
凍水放入白蓮鬚及雞蛋(連蛋殼), 煲滾後以慢火煲45分鐘, 以冰糖調味即成。
我自己六個半月就飲白蓮鬚啦, 每星期飲1至2次, 白蓮鬚 $5.00可分2次, 3碗水中火煲成1碗 (大約煲30MINS-45MINS), 加片糖調味, (D白蓮鬚都幾苦)白蓮鬚要先沖洗一下, 加蛋一隻,記住要凍水一齊落蛋 & 白蓮鬚, 如果唔係隻蛋會爆殼架!

聽過人話飲葡萄乾煲水, 功效一樣但無咁涼,另外仲可以飲芝麻糊糖水 (助產及滑利胎兒),芝麻有潤腸通便、溫補的作用, 身體虛寒的孕婦, 通常都會有便秘的毛病, 胃口差, 大便雖軟, 卻無力排出, 而做成宿便。若生產時有宿便, 會阻礙直腸, 令孕婦難以將BB推出產道, 再加上孕婦腎氣哀弱, 生產更加困難。

飲用時間: 懷孕頭三個月若有作小產現象, 不宜食用芝麻糊 (有滑胎的作用)。往後可一星期一次。產前一至兩天應吃一碗, 有助排清宿便。

katherinecmy補充:
你試下煲一次黎飲下先啦…有d人唔受得飲完會頭暈, 有d仲會飲完嘔添…所以唔好買咁多住, 試左得下次先再買多d…

joeychuievelyn追問:
今日煲一次黎飲, 真係有d苦, 唔知大家落幾多片糖呢?

loktotolok意見:
我落冰糖架…一邊落糖一邊試味, 落到自己啱味就 ok 架啦