我啱啱過左3個月, 想用豆漿代替牛奶, 因為本人唔係咁鍾意飲牛奶。上網睇過好似飲豆漿阿b 會白d, 唔知係咪真嘅呢?不過又聽講豆漿太涼, 所以唔知點……你地懷孕嗰陣會唔會飲豆漿架?

okw80224意見:
我同你一樣, 都唔 like 飲奶, 加咗朱古力奶先飲少少,我勁鍾意飲豆漿, 但同事話豆漿涼, 唔可以飲, 要到 8 個月後先可以喎……所以你都係唔駛諗

kin13意見:
我太太因為個人信念所以唔飲牛奶，孕期中全程都飲“有機豆漿粉”，要自己開嘅，喺 “。。綠” 有賣…結果個仔出世八磅，依家五個月大二十磅，未必同豆漿有關，但係證明左豆漿一定冇問題。如果擔心，建議三四個月等個胎穩定左先開始飲。如果受得到，點解冇得諗？

babylow意見:
bb白與黑跟番爸爸媽媽遺傳的,我有飲豆漿呀~ 但係3個月之後先飲, 係自己買黃豆攪拌, 拿去煮

kin13意見:
大豆類、黃豆、豆腐、細細隻乾魚仔、黑芝麻粒（撒喺白飯上邊）等等要多食，對胎兒好好大幫助，肉類一定要盡量少，加埋母親心情要保持輕鬆愉快，包你一定生個超級健康小 BB !

saebaryo意見:
我同D大肚朋友都有飲豆漿, so far BB都ok呀, 如果怕涼, D人話可以飲黑豆漿。另外, 你都可以試下飲乳酪飲品, 成日轉下冇咁悶呀!朱古力奶醫生都話飲得, 我都有飲朱古力奶

@star@意見:
我自己消化唔到牛奶 所以自己整有機黑豆漿飲 因為黑豆無咁涼

mingming1111意見:
我開始懷孕時已經有飲豆漿了, 後來聽人講話豆漿涼, 所以我媽咪買左部機番屋企, 加D薑同有機黃豆自己煲, 一直飲到生都無問題, 其實豆漿好有益, 就算唔系懷孕飲都好好, 不過每個孕婦嘅體質都唔同, 你最好問下你個婦產科醫生意見比較穩陣