有什麼方法令BB唔開雪櫃?

兩歲半小孩經常開雪櫃,打過、罵過、勸過,任何方法都用過,請問還有什麼方法教佢? 雪櫃又沒有鎖?

 

miko321意見:
你可以去10蚊店/雜貨店 買一樣野, 係防止小朋友開雪櫃既野架~
我仔都係好鍾意開雪櫃(20個月大)~ 買左之後佢就開唔到喇~
但唔知你仔2歲半會唔會識得開嗰個野~ 不過都可以試下既~10蚊左右有個架喇

吾係凡人意見:
係呀, 我個親戚防止佢個仔(3 YEARS OLD)開雪櫃, 佢去D$10店 / 家庭用品店 / 雜貨店 有得買, 我都玩過.

不過你個位置要黐得好, 如果唔係佢會夠高開

chuiman意見:
其實我個女都會開雪櫃, 一歲個陣不停開, 依家已經2歲2個月都會開
我之前都會唔鍾意佢開, 但佢唔明我做咩唔俾佢開, 講極都唔明咁, 之後諗諗下我就唔再話佢, 由得佢開, 開開下就會冇興趣開啦~

依家佢開雪櫃都係因為我吩咐佢幫我攞野先會開, 用嗰d鎖櫃嘅野係冇用架, 佢識開架……我女一歲都識開, 何況你bb 2.5歲! 可能我慣性吩咐佢, 所以佢會問准我先會開雪櫃攞野。

4000cc意見:
唔好打, 唔好鬧…… 忍耐下, 他打開後唔好生氣…
請他不要開, OR 請他關好它…
同他說, 你常打開它, 會整壞裡面的東西, 如: 雪糕會無得食了…
BB一日不打開它, 你就給他一粒糖… 如果他真係做到, 你要有信用,及讃他乖乖.

drelingp意見:
好同意4000cc的意見
跟住之後可以約定一星期唔開就有另一件獎品, 仲可以用個表記錄低貼喺雪櫃!

orientstar意見:
放佢最怕的東西入雪櫃等佢一開就嚇餐飽, 等佢以後唔敢再開
咳會傳播感冒菌意見:
2歲半, 屋企無野做, 無所事事嗎?
好多2歲半都上緊托管班, 九月讀K1 啦…

我3歲時也愛開雪櫃, 不是為了涼快, 而是覺得拉開一度黏得很實的雪櫃門, 很有成功感, 覺得自己好大力, 因為1.5歲時的我, 是不夠力的, 2.5歲-3歲終於夠力……
後來,有一次,拉開的時候,我一不小心,跌倒了,便不再開雪櫃。

到了小學, 發現打開雪櫃可以很涼快。可能是屋企夏天太熱, 熱到開雪櫃。

有些家長, 會不理, 由得個BB開, 開到佢無興趣就會自然不再玩。

有些家長,會給BB幫手做家務, 將水果等, 交由BB負責放入雪櫃和取出來。

有些家長,會罵個BB,
你有沒有罵佢, 開雪櫃令電費增加, 邊個交?
有沒有告訴你關心佢, 告訴佢開雪櫃, 你會擔心佢會冷傷風, 睇醫生好貴?
有些家長, 會給BB一記深刻的教訓經歷:

不如你同佢一齊上午買盒雪糕,
請佢放入雪櫃, 告訴他, 準備雪到夜晚, 晚飯後和爸爸吃, 你告訴他, 你的目的是: 一起給爸爸一個驚喜
(當然, 事前到超市揀雪糕時, 可以給他揀款, 可以揀不同款, 大盒又好, 甜筒又好, 由得佢揀, 但請不要多到雪櫃都裝唔入)

雪櫃放了雪糕後, 告訴他, 不要打開,
如果發覺他打開過, 母親便偷偷地, 將雪櫃入面的control 調至較熱的位置

那麼, 到晚上吃雪糕時, 便有好戲睇, 兼給了他一個教訓 :
雪糕溶了, 浪費了幾十蚊, 作為母親, 就趁這個時候罵他一鑊甘,
這就叫做「罵得理所當然」! 2歲半的他一定心服口服!

(一定要全程監視他, 去廁所也不行, 這個計劃才能成功,
因為, 如果他真的沒有打開過, 便可以吃, 但吃時, 你自然會讚他,
但如果其實他是有打開過雪櫃, 那麼這個稱讚便會不切實際)

———————–
如果BB只得半歲, 只需用仿草膠地板/仿草地板, 圍住雪櫃, BB就不會走近。

Facebook Comments Box