我個BB好多問題, 唔理人唔肯學野唔願食粥……

我個BB好多問題, 請救下我…..
我個仔快20個月大, 但他好 cool ,見到人唔看人, 人家走遠就轉頭看….. 教他叫爸爸,媽媽,嬤嬤等字, 他就哭,叫,走開唔想學…….
教他把積木疊起, 他就把積木丟走, 打他手手叫唔好, 就過來打返我,咬我…… 唔多很食野, 成日就是要飲野, 食粥食成粒鐘…..

請問各位媽咪, 你們有辦法嗎?
10月到要開始幼兒園面試, 我怕到時冇學校肯收…..

註: 仔仔唔是有問題的, 只是我唔識教, 請幫下我

 

野火小男孩意見:
但白講句 佢可能有D唔鍾意你
你試下哄多D佢嘛 多D同佢做 佢同意既野先 等佢更接受你個陣
你再教下佢 講BABA MAMA 呢D
呢D要慢慢教 急都無用

BB仔唔識諗 淨係知 接受 同 唔接受 佢唔接受 你迫佢都無用 會有反效果

同你另一半 商量下 或 請教一下 你父母 或已婚的朋友

智恩意見:
baby 鍾意咩… 就利用佢鍾意既嘢氹佢做.
但要慢慢來… 唔可以迫… 唔可以成日都打.
你想想… 佢細細個時係咪有人慣性縱佢..
所以至會令到佢咁任性 ?
好多嘢都係自細教… 慢慢大咗會好難教呢…
比多 d 心機啦… good luck

情已變意見:
咁你可以唔好要佢坐定定教佢囉…
好似我咁, 我都唔係要bb坐定定教佢講爸爸、媽媽架…而係每次同佢講野就會帶埋呢d字出黎… (eg: 媽媽攞水水比bb飲…媽媽同爸爸同bb去嫲嫲屋企…)

一出街我就好似個傻婆咁…不停同bb講野 (仲要係佢3-4個月已經係咁)
見到咩都講, 行一條街講足一條街
(eg: 呢棵樹樹, 呢架巴士, 巴士叔叔揸巴士, 比我地坐, 車我地去街街…. 呢隻係雀仔..雀仔識得飛架喎…雀仔住喺樹上面架……)

如果你話積木佢唔肯疊起…可以試下第二d…如礶頭,紙巾盒之類…(不過一定要睇實…唔好整親)…你可以試下你疊起d積木, 跟住扮唔小心整跌 (一定要喺佢面前)… 跟住同bb講, 你可唔可以幫下我手呀…媽媽/爸爸疊得唔好呀…會跌…你幫我手疊睇下會唔會好d… 等佢覺得自己好叻…可以幫到爸爸媽媽…

ps: 呢d係我個人經驗…

fatcatleo意見:
可能難聽d咁講…你點知bb無問題﹖
亞氐保加、自閉、視力障礙、讀寫障礙、語言障礙、過度活躍、專注力不足、聽覺稍弱、視力不佳等等都不是20個月便能下定案的問題….同埋要好多檢查先check到!
我建議你除了繼續耐心教導外,可多用行為獎勵方法,或者加強幼兒好的行為,壞行為有時會令大人很頭痛,但可多分散他的注意!
同埋,如發現有些行為真的有問題,家長要接受!
因為在曾治療的個案裡面,有不少家長不接受幼兒係有問題,而未能及時治療! 所以,希望你明白我唔係咒你小朋友有問題,只係希望你能正面面對幼兒的行為!

Facebook Comments
廣告