BB幾大先教佢分辨生果同英文單字好呢?

我仔仔今日15個月大了…雖然仲未識講野…

不過mum mum都識講囉… byebye、拍手、飛吻、驚驚…… 呢啲動作已經識做了好一段時間….

 

我幾個月之前已經買定假生果教仔仔, 書仔都有… 間中都有比佢睇同玩, 但覺得仔仔感覺只係玩得開心… 都唔知仔仔知唔知我教緊佢咩野?

 

所以…好想各位媽媽教一教我… 邊段時間教同咩方法教比較好?

lovegogoman意見:
我囡囡聽日都15個月大, 我依家得閒就教佢ABC, 有塊板教佢”kap”落去嗰D, 雖然未有咩成績, 不過日日教D, 我諗佢會吸收到! 因為我個FD個女1歲半已經識晒A-Z, 仲要係亂左次序都識指返嗰個字母出黎! 所以我諗只要比心機日日教D, 唔好迫佢, 呢個年紀嘅BB會好快識!

shilingfa意見:
我仔仔依家都13個月多d喇, 我喺佢一歲時開始日日都播英文歌俾佢聽, 睇得出佢依家對某幾首歌特別鍾意, 而嗰隻碟播每一首歌後都會有人教埋點讀音, 我都希望仔仔聽得多會吸收到少少! 同埋每晚瞓前我都會再唱番隻碟既歌仔俾佢聽, 等佢更加深刻d! (其實都係abc song個d好簡單既歌)

同埋佢10個月大識掀書睇時, 我每日都會陪佢睇一次d圖書, 其實都係一d好簡單既圖案/形同埋字母, 我每次陪佢睇時都會指住d圖形話佢知係咩, 仔仔依家都識得「花花」同「雞雞」哩兩個圖案!

我覺得每日都抽時間陪佢聽歌, 睇書, 睇字母卡真係幾有用!
同埋最重要係, 如果bb唔想聽, 唔想睇, 咁就唔好迫佢, 如果唔係就會有反效果架喇!

kellyly1211意見:
樓主唔洗心急, 佢明白你講D咩同做D咩
只係佢唔話番比你知啫, 你照教佢啦~
生果如果可以既話比D真實既佢摸下, 佢仲記得好D架
我仔咁上下大時都係咁, 你教佢咩佢都唔會出聲唔理你架
但點知一去到學校老師問佢佢又識答喎, 咁先知呀仔係唔鐘意同我講, 但就知我教左佢咩囉

Tachiaki意見:
我諗樓主你應該教曉仔仔講多少少生字先係最重要
既然你話仔仔認知無問題
其實到仔仔返學嘅時候都會學個d野… 你又何必咁早教定呢?

15個月都應該識講少少單字…

4000cc意見:
我BB女, 約13個月, 都可以認出一些生果
現在18個月, 基本的生活用品都可以認出及說單字, 圖形, COLORS, “A,B,C”及可以講到”1″..

開始時我都係給兒歌, 圖書, 少少玩具給BB, 我做什麼, 我都會形容一下給BB.. 不理BB明不明.. 出街, 同BB講下物件..同BB玩”WHAT IS IT?”
看BB受我此一套, 我間中又會同她玩.. 明顯BB係認出物件

樓主, 你不必擔心, 總之多同BB講野, 描述下事物, BB會知會明, 暫時只是不能表示出來. 當他腦部一出發, 你會好SURPRISE, BB識了很多事物了

shilingfa意見:
我之前睇過一篇報導定唔知咩野講, bb仔既說話能力比bb女會冇咁好, bb仔係觸覺敏銳d, 同埋對周邊所有事都好奇d, 而bb女就係說話能力叻d, 所以一般黎講, 說話方面男仔係會比女仔慢d同差少少架!

p.s. 跟住我就諗, 唔怪得女人都鍾意吱吱喳喳, 天南地北都講一番, 哈哈!

hl2010意見:
你試下多d比實物佢見, 同用手自己食. 同時多d同佢講係乜, 問佢喜唔喜歡食,
多以雙向性方式同bb溝通, 遇到佢有反應就可以這種食物同教佢顏色及形狀等.

這方法在不知不覺下可增加bb的piece of intellgence, 同interactive response with you.

123sillyboy123意見:
孩子本身有唔同既學習速度﹐佢地會對自己感興趣既野學得快好多。
我個女係靜既孩子﹐佢歲半就認得A-Z﹐1-10﹐識得指住講。 因為佢平時成日玩卡 & 睇書。 但佢因為太靜﹐係肢體肌肉上既發育就比正常慢好多。
到兩歲幾先識得做歲半既攀爬動作。

所以每個孩子成長有各特別叻既地方﹐唔好太擔心。

學習上﹐早上係最好既時間學習的。 唔好太注意“知識” & “常識”上既教導。 你主要係較佢表達 & 思考 就足夠。 孩子係思考&表達過程中自然會吸收到所需要既知識了。 學術上既野﹐唔使較佢。 依個係我既睇法﹐未必識用於香港。 因為香港既幼稚園唔知點解咁多如﹐又要面試﹐又要問孩子問題。 我覺得係白痴既制度。

你囝囝依個年紀﹐你要注重既唔係佢識講D咩。 最緊要係佢識“理解”你地既意思﹐而你亦唔應該針對“知識”上既教育。 你只需要令他“思考”。
思考係對孩子最好既訓練﹐多思考既孩子才會有強健既“腦力”應付將來學校既教學。

好多家長著重既係“實際”上既常識﹐啫好常會以孩子識幾多個字﹐識幾多語言﹐識幾多才藝。 識依D野唔代表對孩子好。 你囝囝既年齡﹐最最最緊要係多加思考﹐才係真正對個腦發育有幫助的。 記緊﹐真正知識吸收期﹐係中學&大學呢。 早期教育唔應該著重學術上的。

依個係我自己既想法呢。

Facebook Comments
廣告