其實30歲前生BB才會有較優質的細路, 這有根據嗎?

其實30歲前生BB才會有較優質的細路, 這有根據嗎?
越老生越唔好? 我就唔想咁早生BB困身!

 

urameshiya意見:
健力士紀錄, 有個女人6, 70歲都仲有得生, 所以唔需要急住生

在西班牙一位於三年多前已屆66歲的獨身退休女士「保薩達」(María Carmen del Bousada de Lara) ,非常渴望能生育自己的孩子,她沒有多少積蓄,於是賣掉自己在「加的斯」(Cadiz) 的房屋,以約3萬6千英鎊的費用,前赴美國加州洛杉磯 (Los Angeles, California) 的「Pacific Fertility Centre」接受分別來自無名氏的精子及卵子捐增 (sperms and eggs donation),並進行「試管受精手術」(in vitro fertilisation (IVF) treatment),然後親身懷育胚胎,於2006年12月29日,亦即其67歲生辰前一星期,在巴塞隆拿剖腹誕下一對孖生兒子,最終可圓其母親夢,並被《健力士世界紀錄大全》確認成為透過人工受孕生育的最高齡母親。

sugar_mama意見:
健力士呢個case唔同,因為佢卵子同埋精子都唔係年紀大的,佢只係用個子宮啫,最關鍵既卵子都唔係66歲人既卵子。

bb優唔優質(其實應該係話會少啲基因、胚胎發育問題),好大程度取決於卵子既優劣,年紀越大卵子質素越差,亦都越容易有基因缺陷(唐氏綜合症既發生機率喺超過30歲係以唔成正比既速度增加的),仲有,年紀越大越難自然懷孕,好多都要靠人工授孕。
你自己諗下啦

beiette意見:
我只可以說30歲後既卵子1定差過30歲前既, 因為隨住女人年紀大, 卵子既質素和數量係會下降(已證實既事實), BB時既卵子數目係around3百萬, 到左青春期會下降至40萬,30幾歲時再下降至不足3萬,到左50歲得1000~ 到時想生都好難~

由於同埋身體早期排出既卵子係最健康,所以愈年輕, 就愈好~ 後生女人有好多健康卵, 每月排卵既機會都大D~ 如果卵子既質素比較低, BB會點? 最常見係BB有唐氏高好多好多~

但我覺得後天既教育可以令小朋友變得優質, 但問題係你太大年紀除左生會比後生生得辛苦好多 (成日睇報紙咪好多妹妹去下廁所就咇到出黎, 就係因為後生, 我20歲生BB用左15mins, 冇麻醉, 冇止痛, 順產)之外… 你復原慢(我生完未出產房, 助產士話我個子宮已經收細到差唔多同以前咁, 同埋我產後第3日已經可以做全屋家務), 而你既精力已經去左事業, 唔夠精力同耐性同D小朋友1齊玩都影響小朋友優唔優質, 唔夠精力湊, BB食人奶智商會高D(已證實既事實), 但你生完仲有冇精力半個鍾頭餵1次奶? 到BB 2個月都重要1.5-2鍾頭餵1次奶~ 你同BB年齡差距少D, 少D代溝, 都影響小朋友優唔優質~

有仔趁嫩生從來都冇錯~ 我後生生, 但我要放棄我既事業+自由, 但我幾年後先開始我既事業時, 我重後生, 重可以拚博, 同時又有精力兼顧小朋友既野~ 我亦唔需要成五、六十歲人重要供仔女讀書, 重要照顧佢地~ 所以要睇你點取捨~ 當然要有經濟基礎先~

meimeib意見:
唔一定越後生越好,末成年生出黎既b都好容易有先天病嫁
如果想個小朋友健康最好35前生
至於聰唔聰明就看父母的基因啦
營養都好重要
有些食物會幫助小朋友健康成長

sleepingcat意見:
如果照咁推理, 咁咪全世界照理應該大仔大女就實最醒最叻最靚啦? 話曬佢地係父母最後生時生嘛~ 咁即係最細果啲就一定最嘟最醜最屎啦?
但我見好多做細既反而叻啲醒啲或者靚啲, 呢啲係咪叫優質?

我諗唔可以單單呢個point黎定奪, 成孕機會可能會有關係, 唐氏話就話機會高啲姐, 但研究結果好多時唐氏BB多數個媽媽都唔係高齡, 當然原因可能係高齡既媽媽一早就驗到係唐氏就落咗!
講到尾一個BB既質素都有好多成因!

beiette意見:
哈哈~ 我諗好少父母生完第1胎隔成10幾年先生第2胎, 通常隔1-2年/2-3年/3-4年~
所以如果你第1胎大約25歲生, 你下1胎大約30歲前生~ 卵子質素差唔多~
個樣靚唔靚好似係關基因事~ 正如如果daddy/mammy有”鞋抽”, 個大仔/女都可以有”鞋抽”, 個細仔/女可以冇鞋抽
同埋卵子高質素唔1定等於靚D聰明D, 所屬優質可能係指受精卵少D機會有其他先天”問題”, 好似有大年紀媽媽既BB會早產(器官未發育完成就出世), 容易小產, 容易有唐氏 等等, 而唔係你所提及靚D聰明D 呢D膚淺既野~

要講聰唔聰明, 好靠後天教育, 但大年紀父母相對冇咁有精力耐性去湊, 因為如果唔係有$$既, 父母要做到好老去供養仔女, 又大年紀又要湊又要做野搵$$, 真係寧願早D生早D挨早D收工~ 當然父母責任心都好重要~ 年輕既有精力耐性去湊但可以冇責任心, 大年紀有責任心既都可以有耐性去湊~ 我日日去公園都落手落腳同個囡玩, 但同時好多父母只係坐係求social or 企係度, 多D同小朋友玩對小朋友心智發展好D~

唔好意思係你個post發咁多言論~
其實BB真係好困身~ 你唔會再有時間shopping/do make-up/同朋友聚舊 . . etc
定個限期俾自己, 等盡情玩夠咪開始做人仔囉~

話就話胎兒易有D先天問題, 但唔係一定架~ 做足產前檢查+良好飲食+保持開朗 就take it easy la ~ 同埋多D同私家醫生溝通~

靚唔靚/聰唔聰明係基因問題, 後天栽培先重要, 最重要小朋友品格好, 有同理心, 因為叻人品格唔好, 點叻點靚都冇用~

wingwingcheung意見:
之前睇過關於女性最佳生育年齡嘅資料,大槪係24歲至30, 唔係一定越早生就越好。
講先天因素,要當個女性發育完全完成,機能成熟(所謂function得好)嘅卵子係最優質。果D資料講24 is the best starting age
講後天因素:個媽媽太年輕,自己都未識照顧自己,書都未讀完(正常情況下大學畢業都廿幾歲),玩又未玩夠,撞啱老公都年輕,可能冇乜經濟能力,未必能夠好好照顧BB, 所以我都幾同意呢個range嘅年紀生會最好。

Facebook Comments Box