生完BB兩個月,仲係好大汗,是不是不正常?

生完BB兩個月,仲係好大汗,是不是不正常?
朝早成個枕頭濕曬

有時有沾寒沾凍的感覺,不知點解由出院到現在,隻手都是熱的。

 

小雪Icy意見:
你有冇食好多薑呀? e.g. 薑醋, 薑飯, etc.
我初初生完, 阿媽煮野比我食, 勁落薑, 我都流好多汗, 不過冇你流咁耐,
不如去睇中醫調理下丫~

shilingfa意見:
我媽咪同你媽咪一樣呀, 生完之後又係整d咩野食都落d薑!
我嗰時係頭幾日發現自己不停咁出汗, 但其實個人係唔熱架, d汗多到係一日換幾次衫, 但之後就正常番喇!

小黃豆意見:
我同你一樣。成日都沾寒沾凍,有時成個枕頭濕哂,我生完BB差唔多三個月。

其實係個人身體太虛。你要睇中醫調理下,又或者飲多D代茶(e.g.紅棗8粒+圓肉16粒+兩片薑,用兩碗水煲45分鐘至1個鐘),日日飲會有改善的。另外不妨用薑水臨瞓前,浸下雙腳先瞓。

墨魚小丸子意見:
生完個人虛會係咁出汗架, 我個時生完都係咁出汗, D汗仲好臭要係咁換衫, 不如睇中醫調理下身子呀, 或者整南棗水飲睇下會唔會好D呀

koandtsu補充:
生完3個月都流汗!
我流左兩個月,日日換枕頭套。

昨日去左看中醫,飲左一劑藥,未見功效,可能要飲多幾日呱……
因為沾寒沾凍,又不敢成日沖涼,成身「黐笠笠」,好唔好受呀!
今日仲覺得好似有少少燒,蓋兩條厚被瞓 覺都覺得凍……

其實,兩個月過左坐月未?
我覺得我坐月坐得不好……

小黃豆意見:
我坐月坐得都唔好, 我成個月都肚屙, 又成日發冷, 穿好多衫瞓, 結果就成個身濕哂

我依家都試緊用紅棗圓肉沖水, 人地話一百日內都仲可以吸收的, 加油~

Facebook Comments Box