BB晚晚要扭抱唔肯瞓

bb只有半個月大, 但現在晚晚要扭抱, 通常時間是由零晨起一直吵鬧至天光
試過晚上食完夜奶後將他抱回bb床睡, 但他一發覺無人抱, 便會大哭fing手dump腳

前兩日便是: 0000-0030飲奶, 0030-0230 放回bb床上便一直大哭, 0230-0300飲奶, 0300-0445大哭, 0445-0515飲奶, 0515-0615大哭(之後我因為通宵無瞓在0615忍唔住瞓著左….佢究竟哭到幾點我已經唔知道)

昨天便是: 0000-0030飲奶, 0030-0230放回bb床上一直大哭, 0230-0300飲奶, 0300-0500大哭, 到5am佢打嗝, 我將佢放返bb床由得他打嗝, 過了十多分鐘後他便睡著了.

各位sister, 因為我自己一個湊bb, 老公又要返工, 而家bb晚晚扭抱, 但日頭卻瞓到點整極都唔醒 (飲奶時間除外). 由佢出世到而家, 晚晚唔夠瞓只係瞓得幾個鐘, 我真係好辛苦好想喊. 請問你地有無方法可以幫到我呀?

3蚊雞意見:
你試下儘量日頭唔好俾佢瞓咁多啦….我個仔有時都係咁架

solomandy意見:
日頭佢想瞓前同佢玩多D , 比多D黑, 白,紅嘅顏色佢睇 , 引下佢 , 而且定時食奶同瞓覺 , 我個時都SET定左D時間 , 之後我個仔跟到個時間 , 個半月戒埋夜奶 , 由佢2個月左右到宜家2歲佢 , 日日都係8點先醒 , 1歲前9點~ 9點半瞓 , 之後到宜家都係10點~ 10點半瞓 ! 只要SET好個時間 , 你之後就會舒服好多~

我B係夜晚要兩三點先瞓。

rachel_princess意見:
我囡初出生頭一個月至個半月都係咁,因為佢地離開媽媽個肚無安全感,你可以用大毛巾包緊d佢,同埋一定要熄燈比佢。加油呀!bb頭三個月係難搞d,之後會輕鬆d架啦~

lilac1218意見:
好似樓上d 人講~ 日頭儘量少比佢瞓啦

仲有瞓嘅時間試下放個米袋/豆袋喺佢心口
最怕bb係受驚所引致啫

雖然我未結婚~ 未生過~
不過我大家族~ 姨生/侄~ 都差不多廿個, 所以湊仔都湊熟左

妳幸福嗎意見:
我個囡初初都係咁要抱住瞓先瞓到. 又係晚晚咁喊, 抱住佢瞓, 等佢瞓冧咗先可以放佢落床…
後來上網睇左好多資料, 其實佢好無安全感, 所以我夜晚開收音機比佢聽(TUNE 唔到台嗰D沙沙聲)
同埋搵被包實D佢, 咁佢就好好多喇…

mamamee意見:
我個女之前有時都係咁 (而家個半月大)
我都係得自己一個湊,
老公都唔會幫手 (一日都唔知幫唔幫到呀女換一條片)
之前我試過打直抱住佢, 跟住我連人帶b瞓上床(個頭要比平時墊得高)
變左個女喺我心口趴喺到瞓,
佢有得瞓時我又有得瞓…
p.s. 雖然我知呢個方法好多人都唔suggest, 但真係無計下都要咁做.不過而家好左d, 起碼好多時俾佢埋身食完奶,
氹左佢瞓之後可以放番佢落bb床瞓3-4hrs

牙LING意見:
日頭就同佢玩下,食飽奶就包實比個枕頭砸住佢個肚仔瞓, 晚上9點左右食埋奶就熄燈比佢知道夜晚係時候瞓, 之後佢喊就餵奶, 食完仲喊就放身邊拍下佢哄佢, 自自然夜奶都戒埋, 如果包實都唔得就由佢喊一陣喊累就瞓! 狠心小小都要, 而且醫生都話喊係對佢個肺好!
我兩個囝囝都係甘,唔洗—個月就介左夜奶,希望幫到你啦!

WHY@PU8252意見:
我已有兩個小朋友, 大3歲, 細5個月, 其實有好多bb都有呢個情況, 我個大女夜晚唔瞓要抱至到3個月大先可以唔使抱, 不過要瞓係我側邊, 其實bb夜晚唔瞓日頭瞓, 總之bb瞓你就跟佢一齊瞓, 到bb 3-4個月到瞓嘅時間少咗, 同埋想人同佢玩, 你就好容易調校bb瞓覺時間

Facebook Comments