初生BB的正確奶量應該是多少?

我的BB剛滿月零十天,從初生到現在,由2安士增加到現在4安士,但是明顯感到BB不夠,令到下一餐時間縮短至有時1小時到2小時不等,尤其是零晨更甚。但基於得回來的資訊,要以1BB體重來作一定比例增加份量,所以亦不敢過量,BB出生時有6.5磅,現有8.5磅。希望有朋友幫忙解答以上問題。

jiro_fi意見:
你所謂既資訊只可以作參考架咋,實際你都要睇番bb既情況,食得好唔好,吸收得好唔好,有無得痾便便…
既然你都話明顯bb係唔夠飽,你都要加奶既份量俾bb架~個個bb都唔同,你要睇番自己bb既情況去加或減份量呢…1-2hrs飲一次太密啦..你要慢慢加份量俾bb(當然唔好一加加咁多啦~),再調整佢飲奶既時間表,都滿月啦,其實應該可以3-4hrs先飲一次奶(bb飲得夠飽的話),早d較好個時間表,bb日頭飲得夠飽,好快就會自己戒埋夜奶添呀~到時就無咁辛苦要三更半夜起身餵夜奶,大人同bb都可以一覺訓天光啦~~~~

jess1意見:
有條數可以作參考:就係每公斤乘以150ML奶..
例子:BB 定下4公斤..就將4 X 150ML =600ml..
呢個就係佢應該食既每日奶量啦..當然..BB都有大細食..不過參考份量就係咁啦….

足金鳩猴意見:
食唔食 食幾多 幾時食
應該由bb話事

raider2005意見:
我呀b都係  佢鐘意幾點起身食都得
鐘意可以訓到晏晝先食
佢3-4個月左右已經食8安奶
食到咪由得佢 … bb仔肥d都冇所謂啦  大d識行/一病就瘦得好快  所以唔洗驚

starruby08意見:
無錯, 我係全人奶, 但每日都有一餐泵奶出黎,因為會睇到BB食幾多, 我BB滿月無耐時已經食5OZ,10幾日後, 發現佢仲想食, 就+半OZ比佢, 3日後,正式+夠變6OZ, 佢食得晒, 而家佢就黎2個月, 由每日6餐, 變左5餐, 亦接近戒夜奶啦, 所以無話硬性指定應該食幾多, 要視乎你BB需要, 佢食唔落, 你比多多佢都無用啦, 係咪? 有D會大食, 有D好細食, 你可以逐步試下囉.

泡泡樂園意見:
其實每個人的(每個bb)體質都唔同,如果你覺得去唔夠飽就家量喇,我啊 b宜家2個幾月,佢未滿月都食3安啦,3安只夠維持3個鐘,後來加到4安只維持3.5小時,跟住5安4小時,現在2個月07日食6安4小時,你啊b重得咁慢,我啊b出世7.7磅滿月已經11磅,個d信息都系供參考,你見佢餓到喊又未夠鐘食奶你唔心痛咩?細路仔好簡單食飽飽就無野嫁喇,特別宜家冬天。食飽先暖,我睇大人都係喇,到佢返學讀書個時你想佢肥都難喇。。。。。

煮飯婆意見:
個時我個女都係少少加上去,
健康院姑娘就話可能兩至三個鐘餵佢食一轉奶都ok,
不過個時我就算加都唔會加得咁快,
費事佢真係超磅 (因為我女食得唔多但又吸收),
所以而家佢差不多一歲,
但最多都只係食7安,
但重量已經差不多邊緣喇,
好在佢夠高先balance番咋~

bearwhat意見:
小心bb超重…
我個仔每之返健康院都比姑娘話超重….
我由3個月開始7安…到宜家8個月都係7安…仲要係開稀1.5安…
宜家10.7kg…咩佢出街真係好吃力…腰骨都斷…
我個仔太吸收….病又真係好快瘦返…但好返1星期又肥返…又有返個大肚南….
Facebook Comments
廣告