燉豬肉水俾bb飲?

我個仔依家三個幾月, 我奶奶鬧我唔燉豬肉水俾個仔飲,我想問bb點解咁細個要飲豬肉水?係有咩功效架?

BBsg意見:
冇聽過bb要飲豬肉水,[bb咁細個豬肉本身有油份, 唔適合食/飲用住,奶已經有齊bb所需要既營養

kam828意見:
我仔都有飲過, 但只是偶爾一兩次,其實燉左的瘦肉湯要再用隔油器隔油先,咁再用黎開奶俾佢飲,[最初只係加少量豬肉湯再加水開奶,有咩用我都唔知, 但加上瘦肉湯果次我仔飲奶就會快好多(因為佢細個又係飲奶飲得少又慢)

BB001155意見:
3個月飲就太早啦….等BB大D先啦….我都有煲俾我阿女飲, 不過係用全瘦肉, 而且要去油, 我阿女都9個月大先飲….而且佢係當湯水飲, 唔係用來沖奶架….我媽媽成日天氣一轉冷就會煲俾我飲, 飲左個身都好暖, 無咁容易冷親…我自己覺得幾好, 所以天氣轉冷我都有煲俾老公阿女飲,不過又唔覺有”長肉”的功效….暖身的功效就幾明顯,我諗你奶奶唔係惡意, 但佢太早叫你咁做,等到HK轉凍時, BB又有番咁上下大, 你煲俾佢飲少少, 暖下身就無所謂,現在咁細, 得3個月, 都係飲奶好D…費事影響佢腸胃

cyle意見:
你奶奶咁講係因為佢細個個代難有溫鉋, 人奶唔夠/當時既奶粉亦無似依家果d咁有營養, 所以咪要整d豬肉水佢飲囉, 等阿b可以生肉咁話,你可以慢慢解釋佢聽因現代奶粉比以前更有營養, 所以都唔使點飲豬肉水, 如要飲的話, 可等再大些(4, 5個月開始)飲或煮些綿綿的肉粥米糊阿b食都未遲.

babylow意見:
bb4個月先開始食糊仔/6個月粥仔/7-8個食d稀身既野,得果3個月,食奶好足夠啦,唔洗理你奶奶啦,佢地年代唔同我地 (我奶奶都叫我比粥水bb飲,我睬佢都傻)個仔係你的

dan_dan524意見:
飲粥水既BB身體大隻D,我BB都有飲粥水,至少他很少病,老人家唔一定係錯!好多野都好有用的,你喺醫院,醫生實話BB剩飲奶就得!出到去睇兒科醫生,兒科醫生話三個月可以比D粥阿B當水飲,係無問題的!

Facebook Comments Box