BB要瞓著至肯食奶,十一個月大

有冇人個BB都係咁?由兩個月開始佢清醒時你比任何嘢佢食,佢都係發哂脾氣,手腳亂動又喊又叫.最大濟係又成日嘔奶,餵一餐可能嘔返一半.佢老豆老母真係煩到痴線.而家最擔心佢開始要食固體食物,要點教佢呢?

tommy-bb意見:
其實如果bb食嘢好容易吐, 你可以試下分多幾餐食, 少食多餐,我個bb是早產b, 佢剛開始只飲25m奶….但要花45分鐘…只好多餵幾餐…至於bb食嘢時發脾氣, 有機會係奶咀的孔唔夠大, 佢唔夠力飲,可以試下用孔針開大些, 還有奶咀蓋不要完全轉死, 留最少一至兩下,當然是不要漏水, 那樣bb會容易啲飲.剛開始餵固體食物, 先用米粉, 初初不要開太淍. 慢慢把濃淍度作出調較,加些生果蓉, 甜甜的bb會較喜歡.

lukelukeck補充:
佢最麻煩要瞓著先肯食嘢,先講個BB唔係我的,係我個妹生的.佢早產兩個月,出世時食奶好急,好多時因為食得太急食到嘔奶,之後大約三個月左右開始,喂佢奶時佢只係張開口含住奶咀,唔肯食大約到含一個鐘瞓著之後反而開始食.之後這習慣維持到現在.

iluvchun意見:
如果bb成日嘔奶, 我諗你應該同佢睇醫生穩陣d,我聽過人講有時係氣管敏感 or 鼻敏感,佢地食野嗰陣呼吸唔暢順, 回唔到氣所以會嘔奶

Facebook Comments Box