一個月BB係咁喊

我家小女一個月多十日
之前都好地地,只係試過唔夠重入院..
但呢2日佢朝早起身就喊
食左奶,換左片,抱住佢都係咁喊
聽到我心都痛
有冇其他媽子有類似經驗?點算?
Ada207意見:
bb一定係唔舒服,你睇佢肚仔有無痛喇!
多數唔舒服至會喊架..
jess1意見:
我個BB都係一個月左右人仔.佢咁既情況係有肚風..我個BB之前都係朝早係咁哭..哭到下午12點就自動收聲..你可以試下同佢揉下個肚肚..佢會放屁…之後佢就會舒服好多..如果佢真係哭到失聲咁,你就將佢個肚位放係你大腿上..佢如果係肚痛..咁樣做佢就會舒服好多..我個BB係會即刻唔哭…..最後..可以試下食吳德物賜腸痛水…呢個好得…

Ada207意見:
初生bb因只係飲奶.飲奶過程中會連風都會啜入肚.
所以bb特別多風….掃風一定要做.只要bb大既三個月..
比寶嬰單佢食.bb會舒服好多…

laamchu意見:
bb 好簡單.. 喊就一係.. 餓.. 一係唔舒服… 睇清楚呢..

4000cc意見:
你看看是否每日同一時間開始哭, 如果係, 又其他健康一切正常, 便沒有計, 當BB唱歌.  我個BB都哭足2個月, 3個月大會自然消失.. 忍下等下啦.
 
cwaichan1意見:
我個仔會無端白事喊一喊, 佢一喊,我會幫佢掃風….睇手腳會唔會凍
仲有一個偏方….我媽話, 可以試下房門口掛爸爸條褲, 等於bb爬褲浪, 聽你話喎…不過呢招未試, 當搞佢唔掂, 我會試下
 
BusUncle168意見:
你試下含住半啖水, 之後在BB耳邊慢慢用口吸氣, 發出”咕嚕咕嚕” 聲, 聽講呢個聲同BB在媽媽個肚裡面d聲好似, 佢會覺得有安全感就會唔喊.我係亞視電視節目睇返黎, 雖然個方法有D特別. 但一試冇妨,希望可以幫到你. 如果唔得,就帶BB去睇醫生check下!!
Facebook Comments Box